Ɛseta 9:12 - AHYERƐLƐ KRONGRON

¹² Na Nana Ahasuro sele Nana hemmaa Ɛseta kyɛ, “Susa ahenguro wa, Yudafoɛ bahuhu mmienzua ɛyaa nnu, yeɛ basa bahu Haman mma mmienzua buru nemɔ. Né nzaade bɔ bayɔ ye wɔ me manzini ngaa nemɔ anu ne, ɔkɔtra so. Kekesaala ye, nzikyɛ yeɛ ɔte w’abisadeɛ ɔ? Ka, na ngɔfa ngɔma wɔ. Nzikyɛ bieku yeɛ ɛpena ɔ? Wɔ sa kɔha ye.”

Ɛseta 9:12 Iomraidhean Croise

Ɛseta 5:3

Yeɛ Nana Ahasuro bisale ye kyɛ, “Nana hemmaa Ɛseta, nzu ɔ? Nzikyɛ yeɛ ɛpena ɔ? Sɛ m’ahennie ye bue po a, ngɔfa ngɔma wɔ.”

Ɛseta 5:6

Bɛwɔ so bɛno nzaa nen, Nana Ahasuro bisale Ɛseta kyɛ, “W’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 7:2

Ye elenyɔ ne aso, bɛwɔ ɛpoentolɛ ne abo ne, Nana Ahasuro bisale Ɛseta bieku kyɛ, “Nana hemmaa Ɛseta, w’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 9:11

Sɔ kyẽa ne, mmenia somaa bɔ behuni bɛ wɔ Susa ahenguro berɛ ne, bɛfale ye nwo amaneɛ bɛɛbɔle Nana Ahasuro.

Ɛseta 9:15

Bosome bɔ oli Ada ne, ye kyẽa bɔ ɔtɔ so buru ne nna ne, Yudafoɛ bɔ bɛwɔ Susa ne boale bɛ noa bieku, na behuhuni mmenia ɛyaa nza wɔ Susa, nakoso bɛ nningyein de, bamva bɛ sa banga ye.

Asomafoɛ 23:19

Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?”