Ɛseta 9:10 - AHYERƐLƐ KRONGRON

¹⁰ Hamedata awa Haman bɔ ɔpɔ Yudafoɛ ne, ye mma mmienzua buru mɔ ɛne, nakoso bɛ nningyein de, bamva bɛ sa banga ye.

Ɛseta 9:10 Iomraidhean Croise

Gyenesise 14:23

kyɛ, mengɔfa wɔ gyese, anaa mbaboa nyamaa, anaa wɔ nikyee biala, ná anga kyɛ, ‘Me yeɛ mama Abram anya ye nwo ɔ.’

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 3:13

Bɛfale ngrataa nemɔ bɛsomane mmenia bɔ bɛ nwo yɛ nyera ɔ maa bɛfa bɛhɔle Nana Ahasuro manzini ne amukoraa nu. Nu dwirɛ kyire kyɛ, beli Yudafoɛ awue, behũ bɛ ná benua bɛ mukoraa bɛ boso: mmerandeɛ ne mbanyi, mmrasua ne ngwadaa ɛlɛhomapɛ, bɔ sɔ kyẽa ne te kyẽa bɔ ɔtɔ so buru ne nza wɔ bosome buru ne nyɔ, bɔ ye ole Ada ne anu. Osa ka kyɛ bɛfẽ bɛ nningyein bɛfa.

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Ɛseta 7:4

Ofikyɛ bayɛ me ne me mmenia atɔen kyɛ beli yɛ awue, behũ yɛ, ná benua yɛ boso. Na sɛ bɛtɔnene yɛ maa yɛyɛle ngoaa ne afaneɛ mɔ po a, ahaa mengɔtɛ me noa nu, ofikyɛ ahaa ye nwo ngohia kyɛ ngɔfa sɔ dwirɛ kaaba he ngɔha Nana adwene ɔ.

Ɛseta 7:6

Na Ɛseta buale kyɛ, “Sɔ Haman he, ɔte busueniɛ, okyi yɛ, na osa te yɛ pɔfoɛ.” Na sɔ dwirɛ ne mane Haman kunu tele ye wɔ Nana Ahasuro ne Nana hemmaa Ɛseta bɛ nyunu berɛ.

Ɛseta 8:11

Sɔ ngrataa ne anu, Nana Ahasuro fale tumi wurale Yudafoɛ bɔ bɛwɔ kuro biala so ɔ sa, kyɛ bɛha bɛ nwo bɛbɔ nu, ná bɛho bɛpere bɛ ti ngoa. Ɔnwa, sɛ maen anaa manzini biala fa koɛ batoa bɛ a, wama bɛ tumi kyɛ bɛkɔhora bekoli sɔ mmenia nemɔ awue, bekohu bɛ, bekonua bɛ ne bɛ mmrasua ne bɛ mma mɔ boso, ɔne kyɛ bɛkɔfẽ bɛ nningyein bɛkɔfa ɔ.

Ɛseta 9:11

Sɔ kyẽa ne, mmenia somaa bɔ behuni bɛ wɔ Susa ahenguro berɛ ne, bɛfale ye nwo amaneɛ bɛɛbɔle Nana Ahasuro.

Ɛseta 9:9

Pamaseta, Arisae, Aridae ne Wayisata koso.

Edwein 21:10

Ekonua bɛ mma boso kofi aseɛ ye aso, ɔne bɛ boso ama kofi adasa mmaa nu.

Ɛksadɔso 17:16

Na ɔhane kyɛ, “Odi kyɛ ebiala ma AWURADE frangaa ne aso, ofikyɛ AWURADE ne Amalɛke bɛkɔho koɛ wɔ aworɛ ndoatoasoɛ mukoraati nu.”

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Romanfoɛ 12:17

Nnɛma ɛmɔfa bɔne betua ebiala bɔne kerɛ. Na mmom ɛ́mɔdwene bɔ ɔte paa wɔ mmenia mukoraa bɛ nye so ɔ nwo.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.