Ɛseta 8:8 - AHYERƐLƐ KRONGRON

⁸ Bɔ ɛmɔkuro biala, ɛmɔhyerɛ bɛfa Yudafoɛ nwo wɔ me, Nana Ahasuro me dumaa nu, ná ɛ́mɔfa me nzɔanoɛ kaa ne bɛsɔ krataa ne noa, ofikyɛ mmeraa bɔ bahyerɛ ye wɔ me, Nana Ahasuro me dumaa nu, bɔ bafa me nzɔanoɛ kaa basɔ ye noa ne, bɛkakyi ye a ɔnyɛ yé.”

Ɛseta 8:8 Iomraidhean Croise

1 Ahemvo 21:8

Yiti Yesebɛl fale Ahabo dumaa hyerɛle ngrataa, na ɔfale Ahabo nzɔanoɛ sosɔle bɛ noa. Ɔsomane maa bɛfale ngrataa ne bɛɛmane mbanyi ne atitire bɔ bɛ ne Nabɔto bɛte kuro berɛ ne.

Ɛseta 1:19

Nana, sɛ ɛkɔpene so a, hyɛ mmeraa, ná maa bɛhyerɛ bɛboka Pɛsia ne Medese mmeraa bɔ bɛngora ye sesã ne aso, kyɛ, Onni kyɛ Nana Wasiti ba Nana Ahasuro nyunu le ko. Afei koso, Nana, fa Wasiti hemmaa dibea ne ma brasua foforɛ bɔ ɔte paa tra Wasiti ɔ.

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Ɛseta 8:10

Modekae maa bɛhyerɛle ngrataa nemɔ Nana Ahasuro dumaa nu, ɔfale Nana Ahasuro nzɔanoɛ kaa sosɔle bɛ noa, ɔfa somane mmenia bɔ bɛ nwo yɛ nyera, bɔ bɛtenatenane mbɔngɔ bɔ bɛ nwo yɛ nyera ɔ so. Né ahemvie adwuma ti yeɛ bɛhyɛ da besie sɔ mbɔngɔ nemɔ ɔ.

Ɛseta 8:5

na ɔhane kyɛ, “Nana, sɛ ɛpene so, sɛ anwu me anwumvoin a, Nana, sɛ ɛnea ná ɔte paa a, yeɛ sɛ masɔ wɔ nye a, ye de ngrataa bɔ Agaginiɛ Hamedata ɔwa Haman nyane adwene tɛɛ hyerɛle fa hyɛle mmeraa kyɛ behũ Yudafoɛ bɔ bɛwɔ wɔ manzini amukoraa nu ne, hyɛ mmeraa maa bɛpɛ nu.

Daniel 6:8

Yiti Nana, hyɛ mmeraa ne, ná fa wɔ sa wura ye bo bɔ ebiala ngɔhora ye sesã ɔ, kyɛbɔ Medese ne Pɛsia mmeraa bɔ bɛngora ye sesã ne ɔte ne.”

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”