Ɛseta 8:5 - AHYERƐLƐ KRONGRON

⁵ na ɔhane kyɛ, “Nana, sɛ ɛpene so, sɛ anwu me anwumvoin a, Nana, sɛ ɛnea ná ɔte paa a, yeɛ sɛ masɔ wɔ nye a, ye de ngrataa bɔ Agaginiɛ Hamedata ɔwa Haman nyane adwene tɛɛ hyerɛle fa hyɛle mmeraa kyɛ behũ Yudafoɛ bɔ bɛwɔ wɔ manzini amukoraa nu ne, hyɛ mmeraa maa bɛpɛ nu.

Ɛseta 8:5 Iomraidhean Croise

Ɛseta 2:17

Na Nana Ahasuro hurole Ɛseta trale mmrasua ngaa ne amu. Ohurole ye dwirɛ, na ye nye gyele ye nwo trale mmabunu ne amu, yiti ɔfale ɛhemmaa kyerɛ ne wurale ye, na ɔfale ye sili hemmaa sili Wasiti gya nu.

Ɛseta 2:4

Nana, taluwa bɔ ye nwo kɔyɛ wɔ nyemene paa ne, maa oli hemmaa osi Wasiti gya nu.” Sɔ nzusuleɛ ne yɛle Nana Ahasuro fɛ, na ɔyɔle sɔ ala.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 5:8

Nana, sɛ anwu me anwumvoin a, yeɛ sɛ ɛpene so kyɛ ɛkɔyɔ m’abisadeɛ kɔma me, ɔne kyɛ ɛkɔma me sa kɔha bɔ mepena ɔ de a, ye de, Nana, ɛpoen bieku bɔ ɛhema ngɔto ngɔma wɔ ne Haman ne, mesrɛ wɔ ala, ɛmɔbra ye bo, na ngɔfa me dwirɛ ne ngɔto wɔ nyunu.”

Ɛseta 7:3

Yeɛ Nana hemmaa Ɛseta buale kyɛ, “O, Nana, sɛ anwu me anwumvoin, yeɛ sɛ ɛpene so a, maa nya me ti nnidi nu. M’abisadeɛ ne, ye ɛne; yeɛ bɔ mepena koso ole kyɛ, me mmenia konya bɛ ti bekodidi nu ɔ.

Ɛksadɔso 33:13

Yiti mesrɛ wɔ, sɛ alo me de a, nzaade maa nwu wɔ ti anu adwene, amaa ɔnate so manwu wɔ, ná alo me. Afei koso, nwu ye kyɛ mmenia hemɔ te wɔ maen.”

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

1 Samuel 20:29

Ɔnwa: ‘Mesrɛ wɔ ala, ma me ate ma ngɔ, ofikyɛ m’abusua kwaabɔ afɔleɛ wɔ kuro berɛ, na nniɛma ahyɛ me kyɛ mmra berɛ bie. Yiti mesrɛ wɔ ala, ma me ate ma ngonwu nniɛma nemɔ.’ Nana, ɛhe ati yeɛ wamma wɔ poentolɛ ye abo bie ɔ.”