Ɛseta 8:17 - AHYERƐLƐ KRONGRON

¹⁷ Manzini biala nu ne kuro biala so bɔ Nana Ahasuro mmeraa ne ahyɛdeɛ ne oodwuli ne, Yudafoɛ nyane anwosɛpɛ ne anigye, bɛtole poen, na belili afofi. Yeɛ maen maen mɔ bɔ bɛwɔ aseɛ ne aso ne, Yudafoɛ nwo suronyi tɔle bɛ nu pee so, yiti bɛ nu pee bɛɛyɛle Yudafoɛ.

Ɛseta 8:17 Iomraidhean Croise

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Ɛseta 9:17

Bosome bɔ oli Ada ne, ye kyẽa bɔ ɔtɔ so buru ne nza ne yeɛ sɔ dwirɛ ne sili ɔ. Sɔ bosome ne, ye kyẽa bɔ ɔtɔ so buru ne nna ne, belele bɛ nwome, na bɛfa bɛkakyili ɛpoentolɛ ne anigye kyẽa.

Ɛseta 9:19

Ye sɔ ne ati, Yudafoɛ bɔ bɛwɔ namue nemɔ anu, bɔ fasue nne bɛ nguro nemɔ anwo ne, batu bosome Ada, ye kyẽa bɔ ɔtɔ so buru ne nna ne basie berɛ kyɛ ɔte anigye ne ɛpoentolɛ kyẽa, na ɔte nwomelelɛ kyẽa bɔ bɛkyekyɛ bɛ nwo bɛ nwo aleɛ ɔ.

Ɛseta 9:2

Yudafoɛ boaboale bɛ noa wɔ bɛ nguro nemɔ aso, wɔ Nana Ahasuro manzini ne amukoraa nu, kyɛ ebiala bɔ ɔkɔwa kyɛ ɔbaahu bɛ ne, bɛ koso bekohu ye. Na ebiala angora wangyina bɛ nyunu, ofikyɛ bɛ nwo suronyi tɔle amaen maen nemɔ nu mmenia so.

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Ɛseta 9:27

Yudafoɛ le tole nu, na ɔyɛle amammerɛ mane bɛ ne bɛ bosofoɛ ne ebiala bɔ ɔɔyɛle Yudaniɛ ɔ, kyɛ sɔ ngyẽa nyɔ ne, bɛngɔma ɔngɔpa ye nwo, na bɛkɔhɔ so bekoli ye afoɛnoa biala, wɔ mmerɛ bɔ bahyɛ bato berɛ ne anu, kyɛbɔ bahyerɛ bato berɛ ne.

Ɛseta 9:3

Manzini nemɔ anu mbanyi ne mbɔtam mbanyi ne amrado mɔ ne ahemvie mbanyi gyinane Yudafoɛ si, ofikyɛ Modekae nwo suronyi tɔle bɛ so.

Edwein 105:38

Befili berɛ ne, Misraim nye gyele, ofikyɛ né bɛ nwo suronyi atɔ ye so.

Edwein 18:43

Mmenia bɔ bɛyɔle me nwo lɔen ne, ɛpepɛ lele me fili bɛ sa nu. Ɛfale me tuale maen maen mɔ noa, na mmenia bɔ né menze bɛ ɔ bɛsole me.

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Deuteronomi 11:25

Kuro sona biala ngɔhora ngogyina ɛmɔ nyunu. Na kyɛbɔ AWURADE ɛmɔ Nyameɛ ahyɛ ɛmɔ bɔ ne, ɔkɔma ɛmɔ nwo suronyi ne ɛmɔ nwo surolɛ piri kɔtɔ aseɛ mukoraati bɔ ɛmɔ gya kotia so ɔ so.

Deuteronomi 2:25

Ofi ɛnɛ bɔ ɔkɔ ɔ, ngɔma wɔ nwo suronyi ne esurolɛ piri kɔtɔ mmenia bɔ bɛwɔ ewiase amukoraati so. Na ebiala bɔ ɔkɔte wɔ nga nen, ɔnate wɔ ti ye nwo kɔwosowoso ye, na ahunundetelɛ kɔtɔ ye so.’

Yosua 2:11

Yɛtele sɔ dwirɛ ne pɛ yeɛ ahunundetelɛ tɔle yɛ so ɔ, na ɔnate ɛmɔ ti yɛ mukoraati y’aba nu buli; ofikyɛ AWURADE ɛmɔ Nyameɛ ne, ye ole Nyameɛ wɔ nyameɛso anwuro anwuro ne aseɛ ye aso amba.

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

1 Samuel 25:8

Wɔ de, bisa wɔ mmerandeɛ nemɔ, na bɛkɔhã bekohyire wɔ. Yiti de me mmerandeɛ nemɔ nyemene so, ofikyɛ ɛnɛ bɔ yawa ye, ɔte anigye kyẽa. Yɛsrɛ wɔ ala, nikyee biala bɔ wɔ sa kɔsõ so ne, fa ma wɔ ngoaa ne ɛwa Dawide.’ ”