Ɛseta 8:15 - AHYERƐLƐ KRONGRON

¹⁵ Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Ɛseta 8:15 Iomraidhean Croise

Gyenesise 41:42

Yeɛ Faro yele ye nzɔanoɛ pɛteaa fili ye sa, ɔfa wurale Yosef, ɔfale kende herale ye, na ɔfale sikaa kɔkorɛ atweaban yale ye.

Ɛseta 1:6

Bɛfale mbɛmuɛ tena fufue ne bibire, bɔ nwera ne koogyan sinzesinze so, bɔ ɛdwetɛ ngaa ne nyɔboɛ fufue sosɔ bɛ noa ɔ yeɛ besiesiele berɛ. Né mba bɔ bafa sikaa kɔkorɛ ne ɛdwetɛ baboro bɛ nwo ɔ gyigyi berɛ. Aseɛ bɔ mba nemɔ gyigyi so ne, né bafa nyɔboɛ kɔkorɛ ne nyɔboɛ fufue ne nyɔboɛ hyɛnn ne nyɔboɛ hyɛnhyɛnn yeɛ basiesie berɛ.

Ɛseta 10:2

Nana Ahasuro tumi ne ye koɛ nu anwoserɛ amukoraa, yeɛ panyi bɔ ɔbɔle Modekae maa onyane animnyam kandinga ne, ye nwo dwirɛ amukoraa, bahyerɛ ye wɔ Media ne Pɛsia ahemvo b’aberɛ so dwirɛ nwomaa ne anu.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Ɛseta 6:11

Yiti Haman ɔɔfale ataadeɛ ne wurale Modekae, ɔfale ye tenane pɔngɔ ne aso, olili ye nyunu fale ye fale kuro ne dwaaso, na ɔbɔle ye dawure kyɛ, “Sona bɔ Nana kuro kyɛ ɔbɔ ye aba so ne, sɔaa yeɛ odi kyɛ bɛyɛ ye hɔ oo.”

Ɛseta 6:8

maa bɛfa ahennie ataadeɛ bɔ awura ye le ɔ bɛbra, ɔne pɔngɔ bɔ atena ye so le ɔ, bɔ ahennie abotire bɔ ye ɔ bɛbra.

Ɛseta 8:14

Yiti ɛbɔfoɛ anwonyeralɛfoɛ nemɔ, bɛtenatenane ahemvie mbɔngɔ bɔ bɛ nwo yɛ nyera ɔ so. Na begyinane Nana Ahasuro mmeraa ne aso besili nu bɛhɔle ndɛndɛ. Susa ahemvie berɛ yeɛ bɛhyɛle sɔ mmeraa ne ɔ.

Anyandera 11:10

Sɛ oyie teneneeniɛ yé a, kuro ne di ahurusi, nakoso sɛ bɔnefoɛ wu de a, ye de bɛbɔ ese.

Anyandera 28:12

Teneneefoɛ di ngonim a, ɔte anigye piri, nakoso sɛ bɔnefoɛ nya tumi a, mmenia nwati bɛkɔfea.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Mateo 11:8

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ nyemenenyemene ne de, ahemvo mɔ b’awuro yeɛ bɛte ɔ.

Mateo 6:29

Nakoso mekã mekyire ɛmɔ kyɛ, Solomon animnyam amukoraa nu ne po, ye anwosiesie ne ando ɛhemɔ anu ko po.

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.