Ɛseta 8:11 - AHYERƐLƐ KRONGRON

¹¹ Sɔ ngrataa ne anu, Nana Ahasuro fale tumi wurale Yudafoɛ bɔ bɛwɔ kuro biala so ɔ sa, kyɛ bɛha bɛ nwo bɛbɔ nu, ná bɛho bɛpere bɛ ti ngoa. Ɔnwa, sɛ maen anaa manzini biala fa koɛ batoa bɛ a, wama bɛ tumi kyɛ bɛkɔhora bekoli sɔ mmenia nemɔ awue, bekohu bɛ, bekonua bɛ ne bɛ mmrasua ne bɛ mma mɔ boso, ɔne kyɛ bɛkɔfẽ bɛ nningyein bɛkɔfa ɔ.

Ɛseta 8:11 Iomraidhean Croise

Ɛseta 3:13

Bɛfale ngrataa nemɔ bɛsomane mmenia bɔ bɛ nwo yɛ nyera ɔ maa bɛfa bɛhɔle Nana Ahasuro manzini ne amukoraa nu. Nu dwirɛ kyire kyɛ, beli Yudafoɛ awue, behũ bɛ ná benua bɛ mukoraa bɛ boso: mmerandeɛ ne mbanyi, mmrasua ne ngwadaa ɛlɛhomapɛ, bɔ sɔ kyẽa ne te kyẽa bɔ ɔtɔ so buru ne nza wɔ bosome buru ne nyɔ, bɔ ye ole Ada ne anu. Osa ka kyɛ bɛfẽ bɛ nningyein bɛfa.

Ɛseta 9:18

Nakoso Yudafoɛ bɔ bɛwɔ Susa ne de, kyẽa bɔ ɔtɔ so buru ne nza, ɔne bɔ ɔtɔ so buru ne nna ne yeɛ bɛboaboale bɛ noa ɔ. Belele bɛ nwome kyẽa bɔ ɔtɔ so buru ne nnu ne, na bɛfa bɛkakyili ɛpoentolɛ ne anigye kyẽa.

Edwein 137:8

Ao Babilɔn awa brasua bɔ bɛbaasɛkye wɔ pasapasa ɔ, bɔ okotua wɔ so kerɛ wɔ bɔ afa ayɛ yɛ ne anwo ne, okonya saleɛ!

Edwein 68:3

Nakoso teneneefoɛ de, ma bɛ nye ɔgye, maa beli ahurusi wɔ Nyameɛ nyunu; maa benya anigye mmorosoɛ.

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Hesekiel 39:10

Na ɔnate sɔ ati, bɛngɔpena eyein wɔ eburo, yeɛ bengobubu ebie wɔ ɛhɔayeɛ nemɔ anu, ofikyɛ akodeɛ nemɔ yeɛ bɛkɔfa bɛkɔsɔ see ɔ. Na bɛ bɔ bɛfene bɛ nningyein ne, bɛ koso bɛkɔfẽ bɛ deɛ bie; yeɛ bɛ bɔ bɛbɔle bɛ so apaa ne, bɛ koso bɛkɔbɔ bɛ so apaa bie, AWURADE Nyameɛ noa dwirɛ ɛne.