Ɛseta 8:1 - AHYERƐLƐ KRONGRON

¹ Sɔ kyẽa ne ala, Yudafoɛ bɛ pɔfoɛ Haman ye awuro ne, Nana Ahasuro fa mane Nana hemmaa Ɛseta. Na Modekae wale Nana nyunu, ofikyɛ né Ɛseta aha ahyire Nana kyɛ ye nwoniɛ ɛne.

Ɛseta 8:1 Iomraidhean Croise

Ɛseta 1:14

Bɛ bɔ ɔyɛ a Nana Ahasuro ɔne bɛ betu asure paa ole Kasena, Seta, Adimata, Tasise, Merese, Masena ne Memukan. Bɛ yeɛ bɛte mbanyi nzoo bɔ bɛwɔ Pɛsia ne Media bɔ né bɛtaa bɛ ne Nana Ahasuro bedi ngitahoɛ ɔ, na bɛ yeɛ betira ahennie ne anu dibea piri paa ɔ.)

Ɛseta 2:15

Odwuli Ɛseta so kyɛ ɔkɔ Nana Ahasuro nyunu. Modekae bɔ ɔfale ye yɛle ɔwa ne, ye baba aliɛma bienzua Abihail ɔwa ɛne. Ɛseta anga kyɛ bɛma ye nningyein bɔ ɔfa siesie ye nwo ɔ. Nningyein bɔ Nana Ahasuro sayɛɛ Hegae, bɔ ɔnea mmrasua nemɔ so ne otuli ye foɛ kyɛ ɔfa siesie ye nwo ne, ye ala yeɛ ɔfale ɔ. Na ebiala bɔ ye nye bɔle Ɛseta so ne, ye nwo yɛle ye nyemene.

Ɛseta 2:7

Modekae yeɛ ɔtetele ye baba aliɛma awa brasua Hadasa bɔ osa li Ɛseta ne ɔ, ofikyɛ né sɔ taluwa ne olle niɛ ne seɛ. Né anwonyemene abia ye. Oni ne ɔse bewuli ne yeɛ Modekae fale ye yɛle ɔwa ɔ.

Ɛseta 7:6

Na Ɛseta buale kyɛ, “Sɔ Haman he, ɔte busueniɛ, okyi yɛ, na osa te yɛ pɔfoɛ.” Na sɔ dwirɛ ne mane Haman kunu tele ye wɔ Nana Ahasuro ne Nana hemmaa Ɛseta bɛ nyunu berɛ.

Ɛseta 8:7

Yeɛ Nana Ahasuro sele Nana hemmaa Ɛseta ne Yudaniɛ Modekae kyɛ, “Ɛ́mɔtie! Mafa Haman awuro mama Ɛseta, na babɔ ye kɔme wɔ bakaa ne aso, ofikyɛ ɔbɔle Yudafoɛ bɛ ti so porɛ kyɛ okohu bɛ.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’