Ɛseta 7:9 - AHYERƐLƐ KRONGRON

⁹ Yeɛ Nana sayɛɛ nemɔ nu ko bɔ oli Habona ne sele kyɛ, “Modekae bɔ ye noa dwirɛ yeɛ olele Nana ngoa ne, bakaa bɔ Haman fa penane berɛ kyɛ bɛkɔbɔ Modekae kɔme wɔ so ne, ye yeɛ ɔpena Haman awuro dɔ ne. Ye tendenn te agyirɛ aburannu.” Na Nana Ahasuro sele kyɛ, “Ɛmɔɔbɔ ye kɔme wɔ so!”

Ɛseta 7:9 Iomraidhean Croise

2 Ahemvo 9:32

Yehu pagyale ye nye neane mboma ne anu, na obisale kyɛ, “Nwa yeɛ ɔwɔ me bue nu ɔ? Nwa yeɛ ɔwɔ me bue nu ɔ?” Yeɛ sayɛɛ nyɔ anaa nza huli bɛ nye ase mboma nu bɛneane Yehu.

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 6:14

Bɛ noa wɔ so bɔ bɛ ne ye bedwudwo ne, Nana Ahasuro sayɛɛ nemɔ wale berɛ, na bɛfale Haman ndɛndɛ so bɛhɔle ɛpoen bɔ Ɛseta ato ne abo.

Ɛseta 6:2

Benwuni kyɛ bahyerɛ ye wɔ nwomaa ne anu kyɛ, Bigitana ne Terese bɔ bɛte Nana Ahasuro sayɛɛ nemɔ anu nyɔ, bɔ bɛwɛne Nana pumbu nu anoa nemɔ, bɔ bɛbɔle Nana ti so porɛ kyɛ bekohu ye nen, Modekae yeɛ ɔtele bɛ bo ɔ.

Ɛseta 8:7

Yeɛ Nana Ahasuro sele Nana hemmaa Ɛseta ne Yudaniɛ Modekae kyɛ, “Ɛ́mɔtie! Mafa Haman awuro mama Ɛseta, na babɔ ye kɔme wɔ bakaa ne aso, ofikyɛ ɔbɔle Yudafoɛ bɛ ti so porɛ kyɛ okohu bɛ.

Ɛseta 9:14

Na Nana Ahasuro fale ahyɛdeɛ mane kyɛ bɛyɔ sɔ. Ɔhyɛle mmeraa wɔ Susa, na besinzele Haman mma mmienzua buru nemɔ bɛ fuin.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

Edwein 141:10

Ma bɔnefoɛ bɛ bɔbɔ bɛ ngaen ɔhye bɛ, na me de, maa nya atee nwati.

Edwein 35:8

Ma b’ayieleɛ oyie bɛ mvum nu, ná ma ngaen bɔ basua bafea me ne hye bɛ; maa bɛtɔ nu ma b’ayieleɛ oyie bɛ.

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Daniel 6:7

Yɛ, ahennie ye anu mbanyi so neafoɛ mɔ, mbanyi, mbɔtam mbanyi, foɛtulɛfoɛ ne amrado mɔ amukoraa bahã bɛ ti bapura, kyɛ odi kyɛ Nana hyɛ mmeraa, ná ɔbra ye kitii kyɛ, eleburasa ye anu, sona biala bɔ ɔkɔfa ye abisadeɛ kɔto nyameɛ bie anaa sona bie nyunu ne, odi kyɛ begyi ye bɛto gyata nemɔ bɛ tuin ne anu; Nana, sana wɔ ngome wɔ nyunu yeɛ odi kyɛ ɔfa to ɔ.

1 Samuel 17:51

Afei Dawide tuli amirika oogyinane Filistiniɛ ne aso. Ɔsɔle sɔ Filistiniɛ ne ngrandɛ nu hwe fili ye bɔha nu, na ohuni ye. Afei ɔfa pɛle ye ti fili so. Na Filistifoɛ mɔ nwuni kyɛ bɛ sona bɔ ɔla bɛ noa ne wawu nen, bɛnwatili.