Ɛseta 7:8 - AHYERƐLƐ KRONGRON

⁸ Mmerɛ bɔ Nana Ahasuro fili ahemvie turo ne anu sa wale ɛpoentolɛ ne abo nen, né Haman ato ye nwo waatɔ nnamu bɔ Ɛseta la nu ne aso, na Nana Ahasuro sele kyɛ, “Eh, me nyunu wa po, wɔ m’awuro wa, yeɛ ɛbaato Nana hemmaa mmɔnaa ye!” Na Nana Ahasuro noa ambe, yeɛ bɛkyekyele Haman nye ɔ.

Ɛseta 7:8 Iomraidhean Croise

Ɛseta 1:5

Sɔ ngyẽa ne wale ayieleɛ ne, Nana Ahasuro tole poen mane ebiala bɔ ɔwɔ Susa ahemvie berɛ, atitirefoɛ ne kwahweabaa mɔ. Ɛpoentolɛ ne hɔle so ɛlɛsoo wɔ Nana Ahasuro ahemvie n’anyunu berɛ turo ne anu.

Ɛseta 1:6

Bɛfale mbɛmuɛ tena fufue ne bibire, bɔ nwera ne koogyan sinzesinze so, bɔ ɛdwetɛ ngaa ne nyɔboɛ fufue sosɔ bɛ noa ɔ yeɛ besiesiele berɛ. Né mba bɔ bafa sikaa kɔkorɛ ne ɛdwetɛ baboro bɛ nwo ɔ gyigyi berɛ. Aseɛ bɔ mba nemɔ gyigyi so ne, né bafa nyɔboɛ kɔkorɛ ne nyɔboɛ fufue ne nyɔboɛ hyɛnn ne nyɔboɛ hyɛnhyɛnn yeɛ basiesie berɛ.

Ɛseta 6:12

Na ɛhe asi ne, Modekae sa wale ahemvie anoa nu berɛ, nakoso Haman de, ɔfale aworabɔlɛ ne animguaseɛ hane ye nwo hɔle ye awuro.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

YOB NWOMAA NE 9:24

Wafa aseɛ wawura bɔnefoɛ sa, ɔma nu ndɛenbualɛfoɛ bebu bɛ nye begua nahorɛ so. Sɛ nna ye ahɔ a, né nzaade nwa ɔ?

Yesaya 22:17

Wɔ, anwoserɛniɛ, tie, AWURADE kofindi wɔ anyeborolɛ so kɔto nekaa bie. Ɔkɔsɔ wɔ nu bum,

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.