Ɛseta 7:10 - AHYERƐLƐ KRONGRON

¹⁰ Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Ɛseta 7:10 Iomraidhean Croise

Gyenesise 40:22

Nakoso paanootonɛfoɛ so panyi ne de, ɔmaa behuni ye, kyɛbɔ Yosef hyirele bɛ laleɛ nemɔ abo nen.

Ɛseta 2:1

Sɔ dwirɛ nemɔ asi ne, bɔ Nana Ahasuro ahone tɔle nzue nu ne, ɔkayele Wasiti ne nikyee bɔ wayɔ ne, ɔne mmeraa bɔ wahyɛ wafa ye nwo ne.

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 7:7

Yeɛ Nana Ahasuro le ɛyaa dwɔsole fili ɛpoentolɛ ne abo, na ɔhɔle ahemvie turo ne anu, nakoso Haman de, ɔhale berɛ srɛle Nana hemmaa Ɛseta kyɛ onwu ye anwumvoin ole ye ngoa, ofikyɛ onwuni kyɛ Nana Ahasuro wayɛ ye adwene kyɛ ɔkɔma edwirɛ piri paa kɔto ye.

Ɛseta 7:8

Mmerɛ bɔ Nana Ahasuro fili ahemvie turo ne anu sa wale ɛpoentolɛ ne abo nen, né Haman ato ye nwo waatɔ nnamu bɔ Ɛseta la nu ne aso, na Nana Ahasuro sele kyɛ, “Eh, me nyunu wa po, wɔ m’awuro wa, yeɛ ɛbaato Nana hemmaa mmɔnaa ye!” Na Nana Ahasuro noa ambe, yeɛ bɛkyekyele Haman nye ɔ.

Ɛseta 8:7

Yeɛ Nana Ahasuro sele Nana hemmaa Ɛseta ne Yudaniɛ Modekae kyɛ, “Ɛ́mɔtie! Mafa Haman awuro mama Ɛseta, na babɔ ye kɔme wɔ bakaa ne aso, ofikyɛ ɔbɔle Yudafoɛ bɛ ti so porɛ kyɛ okohu bɛ.

Ɛseta 9:14

Na Nana Ahasuro fale ahyɛdeɛ mane kyɛ bɛyɔ sɔ. Ɔhyɛle mmeraa wɔ Susa, na besinzele Haman mma mmienzua buru nemɔ bɛ fuin.

Ɛseta 9:25

Nakoso mmerɛ bɔ Ɛseta hɔle Nana Ahasuro nyunu nen, Nana Ahasuro hyɛle mmeraa maa bɛhyerɛle, kyɛ Yudafoɛ ti so porɛ bɔ Haman wabɔ ne, odi kyɛ ɔbɔ ye bɔbɔ ye ti so. Na odi kyɛ besinze ye ne ye mma mmienzua nemɔ wɔ bakaa so.

YOB NWOMAA NE 18:8

Ofikyɛ ye bɔbɔ ye gya diedie ye kowura ngaen nu, na otutu ye gya kɔtɔ kumaa nu.

YOB NWOMAA NE 20:8

Okotu komini kyɛ laleɛ, bengonwu ye ko; ye boso komini kyɛ kɔngɔen nyekyire.

Edwein 37:15

Ye ngrandɛ ne kɔwɔ ye bɔbɔ ye ahone nu, na ye agyaen nemɔ anu kobubu.

Edwein 7:16

Ye musue bɔ ye bɔbɔ ye ti so, na basabasa bɔ wahyehyɛ ne, odwiri gua ye bɔbɔ ye ti so.

Edwein 94:23

Okotua bɛ b’amumuyɛɛ so kerɛ, ná ɔnate bɛ bɔne ti wanua bɛ boso. Amba, AWURADE yɛ Nyameɛ konua bɛ boso.

Anyandera 11:27

Sɛ ebie ɔpena paa si atee a, né ɔpena bɔ ɔsɔ anyeɛ ɔ, nakoso sɛ ebie di bɔne si a, bɔne to ye.

Anyandera 11:8

Bede teneneeniɛ befi amaneɛ nu, na amaneɛ ne kakyi ba bɔnefoɛ so mmom.

Anyandera 26:27

Ebiala bɔ ɔpɛ kumaa ne, ɔkɔte kɔtɔ nu, yeɛ sona bɔ omunu nyɔboɛ ne, nyɔboɛ ne kosa ye si kɔɔtɔ ye so.

Yeremia 34:17

Yiti AWURADE nwa nyoo: Ɛmɔandie me dwirɛ, na ebiala wamma oliɛma ne obiɛngo bannya bɛ fawɔnwodi. Nzaade AWURADE noa dwirɛ ɛhe: Ɛ́mɔtie, me koso fawɔnwodi he yeɛ mefa mema ɛmɔ ɔ, kyɛ ngɔma ngrandɛ, ewue anwonyerɛ ne ɛhɔen kɔwa ɛmɔ so ɔ. Na ngɔmaa ɛmɔkɔyɛ anwodwiri nikyee wɔ aseɛ so ahennie amukoraa nu.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Daniel 6:24

Yeɛ ɛhene ne hyɛle maa bɛɛfale mmenia bɔ bɛbɔle Daniel kwaadu ne bɛwale, na ɔmaa beegyili bɛ beguale gyata mɔ bɛ tuin ne anu, bɛ ne bɛ mma ne bɛ ye mɔ; na bandwu tuin ne abo dɔ po yeɛ gyata nemɔ hyele bɛ ɔ, na bɛgorɔgorɔle bɛ mmowue mukoraa nu pasapasa.

Daniel 6:25

Yeɛ Nana Dario hyerɛle krataa ɔɔmane maen maen, mmenia ne edwudwolɛ amukoraa bɔ bɛwɔ aseɛ so amukoraa ɔ kyɛ, “Ngɔsoɛ pee ɔbra ɛmɔ asetena oo!

Sakaria 6:8

Na ɔteane nu sele me kyɛ, “Nea, bɛ bɔ bɛ́kɔ sorɔ dɔ maen ne anu ne, bama me Sunzum kunu adwo ye fɔnwoo wɔ sorɔ dɔ maen ne anu.”

Maenbulɛfoɛ 15:7

Yeɛ Samson sele bɛ kyɛ, “Sɛ sɔ yeɛ ɛmɔayɔ de a, ye de sana matɔ ɛmɔ so wereɛ koraka né m’ahone atɔ me kunu.”