Ɛseta 6:3 - AHYERƐLƐ KRONGRON

³ Yeɛ Nana Ahasuro bisale kyɛ, “Nzikyɛ yeɛ yafa yabɔ Modekae aba so anaa yafa yahyɛ ye animnyam wɔ ɛhe anwo ɔ?” Na Nana Ahasuro somvoɛ nemɔ buale ye kyɛ, “Yɛyyɔle hwee yɛmmane ye.”

Ɛseta 6:3 Iomraidhean Croise

Gyenesise 40:23

Nakoso nzaasulɛfoɛ so panyi ne angaye Yosef, na mmom ye wora fili ye.

1 Aberɛso Dwirɛ 11:6

Na Dawide sele kyɛ, “Sona bɔ okoli moa kɔfa koɛ kɔɔtoa Yebusifoɛ ne, ye yeɛ ngɔbɔ ye safohene panyi paa ɔ.” Na Seruya awa Yoabo lili moa fale koɛ toale bɛ, yiti bɛbɔle ye safohene panyi paa.

Ɛseta 6:2

Benwuni kyɛ bahyerɛ ye wɔ nwomaa ne anu kyɛ, Bigitana ne Terese bɔ bɛte Nana Ahasuro sayɛɛ nemɔ anu nyɔ, bɔ bɛwɛne Nana pumbu nu anoa nemɔ, bɔ bɛbɔle Nana ti so porɛ kyɛ bekohu ye nen, Modekae yeɛ ɔtele bɛ bo ɔ.

Ɛseta 6:4

Na Nana Ahasuro bisale kyɛ, “Nwa yeɛ ɔwɔ ahemvie ne akunu berɛ ne?” Sɔ mmerɛ ne, né Haman adwu ahemvie aluo berɛ pato nu berɛ, kyɛ ɔbaahã kyire Nana kyɛ ɔ́pene so ma bɛbɔ Modekae kɔme wɔ bakaa bɔ wafa wapena berɛ wama Modekae ne aso.

Nworɛ Dwirɛhanɛniɛ 9:15

Né biaa ehianiɛ nworɛniɛ bie wɔ kuro ne anu, na ɔfale ye nworɛ pepɛ lele kuro ne. Nakoso ebiala ngaye sɔ ehianiɛ ne.

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”