Ɛseta 6:1 - AHYERƐLƐ KRONGRON

¹ Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

Ɛseta 6:1 Iomraidhean Croise

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

Ɛseta 10:2

Nana Ahasuro tumi ne ye koɛ nu anwoserɛ amukoraa, yeɛ panyi bɔ ɔbɔle Modekae maa onyane animnyam kandinga ne, ye nwo dwirɛ amukoraa, bahyerɛ ye wɔ Media ne Pɛsia ahemvo b’aberɛ so dwirɛ nwomaa ne anu.

Ɛseta 2:21

Ɛlɛho bie, né Modekae te ahemvie anoa nu berɛ. Sɔ mmerɛ ne, Bigitan ne Terese, bɔ bɛte Nana Ahasuro sayɛɛ nemɔ anu nyɔ bɔ bɛwɛne Nana pumbu nu anoa nemɔ nen, bɛfɛle yaa, na bɛbɔle porɛ kyɛ bekohu Nana Ahasuro.

Ɛseta 2:22

Nakoso edwirɛ ne pɛle Modekae so anu, na ɔɔbɔle Nana hemmaa Ɛseta amaneɛ. Na Ɛseta koso bɔle Nana Ahasuro amaneɛ hane kyɛ Modekae yeɛ ɔtele ɔ.

Ɛseta 2:23

Bɛneaneane edwirɛ ne anu, na benwuni kyɛ ɔte nahorɛ nen, bɛbɔle sɔ mmienzua nyɔ ne kɔme wɔ bakaa so. Na bɛhyerɛ bewurale aberɛso dwirɛ nwomaa ne anu wɔ Nana Ahasuro nyunu berɛ.

Ɛseta 5:8

Nana, sɛ anwu me anwumvoin a, yeɛ sɛ ɛpene so kyɛ ɛkɔyɔ m’abisadeɛ kɔma me, ɔne kyɛ ɛkɔma me sa kɔha bɔ mepena ɔ de a, ye de, Nana, ɛpoen bieku bɔ ɛhema ngɔto ngɔma wɔ ne Haman ne, mesrɛ wɔ ala, ɛmɔbra ye bo, na ngɔfa me dwirɛ ne ngɔto wɔ nyunu.”

Yesaya 41:17

Sɛ ehiafoɛ ne bɛ bɔ bɛyɛ anwumvo ɔ bɛpena nzue, ná ebie nne berɛ, bɔ nzuhɔen ama bɛ komvi awo ne, me AWURADE, ngotie bɛ sufrɛ, me, Yisrael Nyameɛ, mengɔpo bɛ.

Daniel 2:1

Nebukadenesa ahennie afoɛ bɔ ɔtɔ so nyɔ ne anu ne, ɔhyehyene laleɛ mɔ, na ɔhale ye sunzum, na nnafelɛ fili ye nye so.

Daniel 6:18

Yeɛ ɛhene ne sa hɔle ye ahemvie berɛ, obualale kɔngɔen ne, na wamma bamva bɔ ɔkɔfa kɔgyegye ye nye ɔ biala bammrɛ ye, na ye nye sorole.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?