Ɛseta 5:4 - AHYERƐLƐ KRONGRON

⁴ Na Ɛseta buale kyɛ, “Nana, mato poen mama wɔ, na sɛ ɛkɔpene so a, Nana, ɛne Haman bɛbra ye bo ɛnɛ.”

Ɛseta 5:4 Iomraidhean Croise

Gyenesise 27:25

Yisake sele ye kyɛ, “Mma, fa brɛ me maa nni wɔ eburo naen bɔ ahu ye ye na nyira wɔ.” Yiti ɔfa brɛle ye maa olili, na ɔfale bobe nzaa koso bokale so, na ɔnone.

Gyenesise 32:20

na ɛmɔhã behyire ye kyɛ, ‘Asa koso, w’akoaa Yakob li yɛ si.’ ” Osusuli kyɛ, “Ngɔfa akyɛdeɛ bɔ wali me nyunu moa ye ngɔpata ye, na sɛ nziɛ ye me ne ye yɛyia a, mede medi kyɛ okole me kɔto nu.”

Ɛseta 1:9

Na Nana hemmaa Wasiti koso tole poen mane mmrasua mɔ wɔ Nana Ahasuro ahemvie berɛ.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Ɛseta 5:3

Yeɛ Nana Ahasuro bisale ye kyɛ, “Nana hemmaa Ɛseta, nzu ɔ? Nzikyɛ yeɛ ɛpena ɔ? Sɛ m’ahennie ye bue po a, ngɔfa ngɔma wɔ.”

Ɛseta 5:5

Yeɛ Nana Ahasuro sele kyɛ, “Ɛmɔhã bɛ nwo bɛɛfa Haman bɛbra ma yɛyɔ Ɛseta apɛdeɛ yɛma ye.” Yiti Nana Ahasuro ne Haman bɛhɔle ɛpoen bɔ Ɛseta ato ne abo.

Ɛseta 5:8

Nana, sɛ anwu me anwumvoin a, yeɛ sɛ ɛpene so kyɛ ɛkɔyɔ m’abisadeɛ kɔma me, ɔne kyɛ ɛkɔma me sa kɔha bɔ mepena ɔ de a, ye de, Nana, ɛpoen bieku bɔ ɛhema ngɔto ngɔma wɔ ne Haman ne, mesrɛ wɔ ala, ɛmɔbra ye bo, na ngɔfa me dwirɛ ne ngɔto wɔ nyunu.”

Edwein 112:5

Sona bɔ ye ti anu yɛ mmerɛ, ná ɔfa fɛmo ye mmango, ná ɔfa nahorɛlilɛ bɔ ye bra ne, oyie ye yé.

Anyandera 29:11

Kwaseaa fɛ yaa a, ɔda ye ali, nakoso nworɛniɛ de, ɔfɛ yaa a ɔhyɛ ye nwo so.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.