Ɛseta 5:3 - AHYERƐLƐ KRONGRON

³ Yeɛ Nana Ahasuro bisale ye kyɛ, “Nana hemmaa Ɛseta, nzu ɔ? Nzikyɛ yeɛ ɛpena ɔ? Sɛ m’ahennie ye bue po a, ngɔfa ngɔma wɔ.”

Ɛseta 5:3 Iomraidhean Croise

1 Ahemvo 2:20

Yeɛ Bahyeba sele kyɛ, “Mebaafa edwirɛ kãa bie meto wɔ nyunu, na nnɛbɔ me atianuserɛ.” Na Solomon sele ye kyɛ, “Mmo, kã w’abisadeɛ ne, ná mengɔbɔ wɔ atianuserɛ.”

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Nehemia 2:4

Yeɛ Nana bisale me kyɛ, “Nzikyɛ yeɛ ɛpena kyɛ meyɔ mema wɔ ɔ?” Yiti mmɔle mbaeɛ ngyirele nyameɛso Nyameɛ bɔ ɔwɔ nyameɛso ne.

Ɛseta 5:4

Na Ɛseta buale kyɛ, “Nana, mato poen mama wɔ, na sɛ ɛkɔpene so a, Nana, ɛne Haman bɛbra ye bo ɛnɛ.”

Ɛseta 5:6

Bɛwɔ so bɛno nzaa nen, Nana Ahasuro bisale Ɛseta kyɛ, “W’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 7:2

Ye elenyɔ ne aso, bɛwɔ ɛpoentolɛ ne abo ne, Nana Ahasuro bisale Ɛseta bieku kyɛ, “Nana hemmaa Ɛseta, w’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 9:12

Na Nana Ahasuro sele Nana hemmaa Ɛseta kyɛ, “Susa ahenguro wa, Yudafoɛ bahuhu mmienzua ɛyaa nnu, yeɛ basa bahu Haman mma mmienzua buru nemɔ. Né nzaade bɔ bayɔ ye wɔ me manzini ngaa nemɔ anu ne, ɔkɔtra so. Kekesaala ye, nzikyɛ yeɛ ɔte w’abisadeɛ ɔ? Ka, na ngɔfa ngɔma wɔ. Nzikyɛ bieku yeɛ ɛpena ɔ? Wɔ sa kɔha ye.”

Marko 6:23

Na ɔfale ndaen foale so hyirele ye kyɛ, “Nikyee biala bɔ ekobisa me ne, sɛ odi m’ahennie bue po a, ngɔfa ngɔma wɔ.”

Luka 18:41

“Nzikyɛ yeɛ ɛpena kyɛ meyɔ mema wɔ ɔ?” Na obuale kyɛ, “Awurade, mepena kyɛ menwu nikye.”

Asomafoɛ 23:19

Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?”