Ɛseta 5:2 - AHYERƐLƐ KRONGRON

² Nana Ahasuro nwuni Nana hemmaa Ɛseta kyɛ ogyi ahemvie ne akunu berɛ pɛ, ye nwo yɛle ye ahomeka, na ɔtengyɛle sikaa kɔkorɛ hɔtɔ bɔ otira ye ne wɔ Ɛseta so. Ɛseta pingyele ye nwo berɛ, na ɔfale ye sa hane ɛhɔtɔ ne ti.

Ɛseta 5:2 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

Nehemia 1:11

Ao AWURADE, wɔ somvoɛ ne wɔ somvoɛ mɔ bɔ bɛ nye gye kyɛ bɛkɔfa anidie bɛkɔma wɔ dumaa ne, mesrɛ wɔ tie yɛ mbaeɛ. Ma nningyein ɔhɔ so yé ɔma wɔ somvoɛ, ná ma biaa ye onwu me anwumvoin.” Sɔ mmerɛ ne, né nde Ɛhene ne, ye nzaasulɛniɛ.

Ɛseta 2:9

Taluwa Ɛseta sɔle Hegae nye, na Hegae lole ye. Ɔyɛle ndɛndɛ fale Ɛseta sakyeɛ mɔ bɔ ɔfa popa ɔ ɔne ye aleɛ mane ye. Osa neaneane Nana Ahasuro abaawa nemɔ nu yele nu nzoo kyɛ bɛso Ɛseta, na ɔmaa ɔne ye abaawa nemɔ bɛɛtenane nekaa paa paa wɔ mmraanu berɛ.

Ɛseta 4:11

“Nana somvoɛ amukoraa, yeɛ ye manzini nemɔ nu ama bɛse kyɛ, sɛ Nana wando ye sa wamvrɛ wɔ, ná ɛkɔ ye nyunu wɔ ahemvie ne akunu dɔ a, kyɛ bienzua oo, anaa brasua oo, ye nwo mmeraa te komapɛ, bekohu sɔ sona ne. Sana sona bɔ Nana konwu ye anwumvoin kɔfa ye sikaa kɔkorɛ hɔtɔ kɔtengyɛ ye so ne, ye yeɛ okonya ye ti okodidi nu ɔ. Eleburasa ɛhe, ɔffrɛle me kyɛ mmra ye nyunu.”

Ɛseta 8:4

Yeɛ Nana Ahasuro tengyɛle sikaa kɔkorɛ hɔtɔ ne wɔ Ɛseta so. Ɛseta dwɔso gyinane Nana Ahasuro nyunu berɛ,

Edwein 116:1

Mekuro AWURADE dwirɛ, ofikyɛ watie me mbaeɛ ne me sufrɛ.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.