Ɛseta 5:14 - AHYERƐLƐ KRONGRON

¹⁴ Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 5:14 Iomraidhean Croise

2 Samuel 16:21

Na Ahitofel buale Absalom kyɛ, “Wɔ baba sómaa mɔ bɔ wayakyi bɛ berɛ kyɛ bɛnea awuro berɛ ne, ɛne bɛ bɛɛla. Na sɛ Yisraelfoɛ amukoraa bɛte kyɛ agua ɛse anyunu ase pɔtɔɔ a, ɔkɔhyɛ mmenia bɔ begyi wɔ si ne nguraen.”

1 Ahemvo 21:25

(Nahorɛ nu, ebiala nne berɛ bɔ otuli ye nwo siele berɛ yɔle bɔ ɔte bɔne wɔ AWURADE nyunu ɔ te kyɛ Ahabo, na ɔye Yesebɛl yeɛ né osi ye adua maa ɔyɔ bɔne ɔ.

1 Ahemvo 21:7

Yeɛ ɔye Yesebɛl sele ye kyɛ, “Aso nna wɔ yeɛ edi Yisrael so ɔ? Dwɔso ná didi, ná ma wɔ wora kyekye. Ngole Yesreelniɛ Nabɔto bobe boo ne ngɔma wɔ.”

Ɛseta 6:4

Na Nana Ahasuro bisale kyɛ, “Nwa yeɛ ɔwɔ ahemvie ne akunu berɛ ne?” Sɔ mmerɛ ne, né Haman adwu ahemvie aluo berɛ pato nu berɛ, kyɛ ɔbaahã kyire Nana kyɛ ɔ́pene so ma bɛbɔ Modekae kɔme wɔ bakaa bɔ wafa wapena berɛ wama Modekae ne aso.

Edwein 37:14

Bɔnefoɛ twe ye ngrandɛ, na osina ye agyaen mɔ kyɛ ɔfa kã ehiafoɛ ne bɛ bɔ bɛyɛ anwumvo ɔ ogua ase, ná okũkũ teneneefoɛ.

Edwein 37:32

Bɔnefoɛ bɛtetɛ teneneefoɛ, kyɛ bɛpena bɛ beku bɛ.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 4:16

Ofikyɛ bɛ de bɛnna, sana bayɔ bɔne koraka, nnakorɔkorɔ tɔ bɛ so, sana bama ebie afi ase koraka.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Romanfoɛ 3:15

Bɛ nwo yɛ nyera wɔ awuelilɛ nu,

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.