Ɛseta 5:11 - AHYERƐLƐ KRONGRON

¹¹ Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Ɛseta 5:11 Iomraidhean Croise

Gyenesise 31:1

Yakob tele kyɛ Laban mma mmienzua nemɔ kekã kyɛ, “Yakob afa yɛ baba nningyein mukoraa; yɛ baba nwo yeɛ wafa wanya sɔ agyapadeɛ ye amu ɔ.”

Ɛseta 1:4

Ye anwonya worawora bɔ ɔwɔ ye ahennie nu, ye ahennie ne ye nyemene, ɔne ye animnyam ne, ɔfale ngyẽa pee, ngyẽa ɛyaa ko aburawɔtwɛ yeɛ ɔlale ye ali hyirele ɔ.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Edwein 49:6

Nzu ati yeɛ nzuro bɛ bɔ bɛfa bɛ nwo bɛto b’anwonyadeɛ so, bɔ bɛfa b’anwonya bɛhoahoa bɛ nwo ɔ?

Edwein 49:7

Amba, ebiala ngɔhora ngɔpɔ ye nwo; yeɛ ɔngɔhora ngotua ye ngoa ti nyɔboɛ ngɔma Nyameɛ.

Edwein 52:9

Ɔnate bɔ ayɔ ne ati, ngɔla wɔ ase daa. Ngɔfa me wora ngowura wɔ dumaa nu wɔ w’anwoteefoɛ mɔ nyunu, ofikyɛ ɔte paa.

Yesaya 10:8

Ofikyɛ ɔnwa: “Me safohene mɔ, aso bɛtte hene hɔ ɔ?

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Marko 10:24

Yesu dwirɛ bɔ ɔhane ne yɛle asuafoɛ nemɔ nwanwa. Nakoso Yesu sa sele bɛ kyɛ “Me mma mɔ, ɛmɔanwu kyɛbɔ osi yɛ se ma bɛ bɔ bɛfa bɛ nwo bɛto anwonyadeɛ so kyɛ bɛkɔhɔ Nyameɛ ahennie ne anu ɔ!

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.