Ɛseta 4:8 - AHYERƐLƐ KRONGRON

⁸ Mmeraa bɔ bɛhyɛle, bɔ bɛhyerɛle ye wɔ Susa kyɛ begyina so behũhũ Yudafoɛ ne, Modekae fale sɔ krataa ne bie mane Hatake. Ɔnwa ɔɔfa hyire Ɛseta, ohyirehyire edwirɛ ne anu hyire ye, ná ɔha hyire ye kyɛ ɔhɔ Nana Ahasuro berɛ ɔɔpa ye kyerɛ, ná ɔsrɛ ma ye, Ɛseta ye mmenia.

Ɛseta 4:8 Iomraidhean Croise

Ɛseta 2:20

Né Ɛseta ɔllale ye abusua anaa ye maen ali, kyɛbɔ Modekae bɔle ye noa ne ala, ofikyɛ Ɛseta lili Modekae dwirɛ so, kyɛbɔ ɔyɔle ye mmerɛ bɔ né ɔtete ye ne ala.

Ɛseta 4:9

Hatake fale bɔ Modekae hane ne ɔɔbɔle Ɛseta amaneɛ.

Ɛseta 8:6

Ofikyɛ, musue bɔ ɔbaato me mmenia ye mɔ ye, meyɛ sɛɛ né mahora mafa me nye manea? Yeɛ meyɛ sɛɛ né mahora mafa me nye manea me mmenia bɔ benua bɛ boso ɔ?”

YOB NWOMAA NE 9:15

Sɛ medi be po a, mengɔhora ngɔye me noa ngohyire ye, na mmom ngɔsrɛ me ndɛenbualɛniɛ ne, kyɛ onwu me anwumvoin.

Edwein 122:6

Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Nworɛ Dwirɛhanɛniɛ 10:4

Sɛ wɔ hene fɛ wɔ so yaa a, nnɛfi ye nyunu berɛ, ofikyɛ sɛ ɛbrɛ wɔ nwo ase a, ɔmaa bɛfa wɔ bɔne mbiri mbiri bɛkyɛ wɔ.

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.