Ɛseta 4:6 - AHYERƐLƐ KRONGRON

⁶ Hatake hɔle Modekae berɛ wɔ kuro berɛ dwaa ne aso, wɔ ahemvie anyunu berɛ.

Ɛseta 4:6 Iomraidhean Croise

Ɛseta 4:3

Manzini ne amukoraa nu, nekaa biala bɔ Nana Ahasuro mmeraa bɔ wahyɛ ne oodwuli ne, Yudafoɛ nemɔ bɔle awuye belili aworabɔlɛ ne mmuadaa, na bɛ nu pee herale ɛsɛen tena bɛfale nzoen bɛyɛle bɛ nwo.

Ɛseta 4:5

Afei Ɛseta maa bɛɛfrɛle Hatake bɛbrɛle ye. Ɔte Nana Ahasuro sayɛɛ nemɔ ko bɔ baye ye kyɛ ɔso Ɛseta ɔ. Na Ɛseta somane ye kyɛ ɔhɔ Modekae berɛ oobisa ye edwirɛ horɛ bɔ wasi ɔ, ɔne kyɛbɔ ɔyɛle bɔ osili ɔ.

Ɛseta 4:7

Na Modekae hane edwirɛ bɔ wato ye amukoraa hyirele ye. Yeɛ sikaa somaa bɔ Haman ahyɛ ye nwo bɔ kyɛ okotua kɔto Nana Ahasuro fotoɛ nu maa bekonua Yudafoɛ boso ne koso, ɔha hyirele ye.

Ɛseta 7:2

Ye elenyɔ ne aso, bɛwɔ ɛpoentolɛ ne abo ne, Nana Ahasuro bisale Ɛseta bieku kyɛ, “Nana hemmaa Ɛseta, w’abisadeɛ ne ole nzu? Ka, na ngɔfa ngɔma wɔ. Nzu yeɛ ɛpena ɔ? Sɛ m’ahennie ye bue po a, wɔ sa kɔha ye.”

Ɛseta 9:12

Na Nana Ahasuro sele Nana hemmaa Ɛseta kyɛ, “Susa ahenguro wa, Yudafoɛ bahuhu mmienzua ɛyaa nnu, yeɛ basa bahu Haman mma mmienzua buru nemɔ. Né nzaade bɔ bayɔ ye wɔ me manzini ngaa nemɔ anu ne, ɔkɔtra so. Kekesaala ye, nzikyɛ yeɛ ɔte w’abisadeɛ ɔ? Ka, na ngɔfa ngɔma wɔ. Nzikyɛ bieku yeɛ ɛpena ɔ? Wɔ sa kɔha ye.”