Ɛseta 4:16 - AHYERƐLƐ KRONGRON

¹⁶ “Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Ɛseta 4:16 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Gyenesise 43:14

Ɛdangama Nyameɛ ɔ́ma biaa ne ónwu ɛmɔ anwumvoin, na ɔ́ma ɛmɔ aliɛma ko ne, ɔne Benyamin besa bɛbra. Sɛ ɔba kyɛ odi kyɛ mma mɔ befi me sa a, ɔyɛ sɔ.”

2 Samuel 10:12

Gyina pindinn. Na ɔnate yɛ maen, ɔne yɛ Nyameɛ nguro nemɔ ati, maa yɛhyire yɛ bienzua. Mesrɛ kyɛ AWURADE ɔyɔ bɔ okuro ɔ.”

2 Ahemvo 7:4

Sɛ yɛkã kyɛ yɛkɔ kuro ne aso dɔ a, ɛhɔen wɔ dɔ, na ɛhɔen kɔmaa yɛkowu dɔ. Nakoso sɛ yɛtena wa a, ye koso ɛhɔen kɔmaa yɛkowuwu. Yiti ɛ́mɔma yɛhɔ Siriafoɛ b’asikyeleɛ ne anu dɔ. Sɛ bɛyakyi yɛ maa yɛnya yɛ ti yɛdidi nu a, ye de yɛ ti ngoa. Nakoso sɛ beku yɛ koso a, ewue komapɛ ne ala ɔ.”

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Ɛseta 4:15

Na Ɛseta fale mmuayɛɛ maa bɛɛmane Modekae kyɛ,

Ɛseta 4:17

Na Modekae hɔle ɔɔyɔle nikyee biala, kyɛbɔ Ɛseta hane kyɛ ɔyɔ ne ala.

Ɛseta 4:3

Manzini ne amukoraa nu, nekaa biala bɔ Nana Ahasuro mmeraa bɔ wahyɛ ne oodwuli ne, Yudafoɛ nemɔ bɔle awuye belili aworabɔlɛ ne mmuadaa, na bɛ nu pee herale ɛsɛen tena bɛfale nzoen bɛyɛle bɛ nwo.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Ɛseta 9:31

Na ngrataa ne hyɛle bɛ kyɛ, odi kyɛ bedi Purim ngyẽa ne wɔ mmerɛ bɔ bahyehyɛ bato berɛ ɔ nu, kyɛbɔ Yudaniɛ Modekae ne Nana hemmaa Ɛseta bɛhyɛle Yudafoɛ kyɛ bɛyɔ ne ala, kyɛbɔ bale bato nu kyɛ bɛ ne bɛ bosofoɛ bekoli mmuadaa ne awuyebɔlɛ mmerɛ nwo nhyehyɛleɛ ne aso ne.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yeremia 36:9

Na ɔwale kyɛ, Yuda hene Yehoakim bɔ ye baba ole Yosia ne, ye ahennie afoɛ bɔ ɔtɔ so nnu ne, bosome ngona ne anu, Yerusalemfoɛ amukoraa ne mmenia amukoraa bɔ befili Yuda nguro nemɔ aso bɛwale Yerusalem ne, bɛyɛle akɔngyere wɔ AWURADE nyunu.

Daniel 2:18

na osele bɛ kyɛ bɛsrɛ nyameɛso Nyameɛ ne ma onwu bɛ anwumvoin wɔ sɔ mvealeɛ nu dwirɛ he anwo, amaa ɔnate so bamva ye Daniel ne ye mmango nemɔ bamvra Babilɔn nworɛfoɛ nemɔ aso banguku bɛ.

Mateo 12:40

Na kyɛbɔ Yona lili bonzu kunu ɛlɛsa eyia ne kɔngɔen ne, sɔ ala yeɛ Sona Awa ne koli aseɛ bo ɛlɛsa eyia ne kɔngɔen ɔ.

Luka 9:24

Ofikyɛ ebiala bɔ okuro kyɛ ode ye kra ngoa ne, ɔkɔhwere ye; nakoso ebiala bɔ ɔnate me ti ɔkɔhwere ye ngoa ne, okonya daa ngoa.

Yohane 19:22

Na Pilato buale kyɛ, “Bɔ mahyerɛ ne ala yeɛ mahyerɛ ɔ.”

Asomafoɛ 10:7

Na abɔfo ne dwudwo hyirele Kɔneleo yiele, ná ɔhɔle nen, Kɔneleo frɛle ye somvoɛ nemɔ anu nyɔ ne asraaniɛ nyamesuroniɛ ko bɔ ɔboka Kɔneleo somvoɛ nemɔ aso ɔ.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Asomafoɛ 27:33

Aleɛ baahye ne, Pɔɔlo srɛle bɛ mukoraa kyɛ bedidi. Na osele bɛ kyɛ, “Eleburu ne nna ɛhe yeɛ ɛmɔafa ahunundetelɛ batena bahye hɔen bɔ bellili hwee ɔ.

Asomafoɛ 9:9

Ngyẽa ɛlɛsa, né onnwu hwee, né onnidi ná ɔnno hwee.

Romanfoɛ 16:4

bɛ yeɛ bɛfale bɛ ngoa bɛtole serewa bɛmane me ɔ. Nna me ngome yeɛ meda bɛ ase ɔ, na mmom Amaenmaensofoɛ asɔre ne amukoraa koso bɛda bɛ ase.

Filipifoɛ 2:30

Ofikyɛ, Kristo adwuma ne ati ɔhale kãa maa owuli, na ɔfale ye ngoa tole serewa gyinane ɛmɔ gya nu kyɛ ɔkɔso me.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

1 Samuel 19:5

Ofikyɛ ɔfale ye ngoa tole serewa oohuni Filistiniɛ ne, na AWURADE lili ngonim pirikua mane Yisrael amukoraati. Enwuni ye, na ɔyɛle wɔ fɛ. Na nzu ati yeɛ ɛpena kyɛ eku Dawide mbaen, maa ɔnate so ɛkã sona bɔ odi be mogya gua ɔ?”