Ɛseta 4:14 - AHYERƐLƐ KRONGRON

¹⁴ Ofikyɛ sɛ ɛkã wɔ noa to nu wɔ mmerɛ bɔ ɔte sɔaa nu a, mmokalɛ ne ngoalelɛ kofi neka foforɛ kɔwa kɔma Yudafoɛ, nakoso ɛne ɛse abusuafoɛ de, ɛmɔ boso konua. Nwa yeɛ ɔse ɔ? Ebiaa mmerɛ bɔ ɔte sɔaa ati yeɛ anya ɛhemmaa dibea ye ɔ.”

Ɛseta 4:14 Iomraidhean Croise

Gyenesise 22:14

Yiti Abraham tole berɛ dumaa “Adonai Yire, [anaa AWURADE kohyire].” Na ɛnɛ ne ɛnɛ ye po, mmenia ka kyɛ, “AWURADE bokaa ne aso yeɛ okohyire ɔ.”

2 Ahemvo 13:5

Yiti AWURADE yele defoɛ mane Yisrael, maa ɔnate so benyane bɛ fawɔnwodi befili Siriafoɛ sa nu, na Yisraelfoɛ bɛtenane bɛ bɔbɔ b’awuro kyɛ daa ne ala.

2 Ahemvo 19:3

Besele ye kyɛ, “Hesekia nwa: Ɛnɛ kyẽa ye te aworabɔlɛ, asohwenɛ ne animguaseɛ kyẽa. Mmrasua nemɔ afo aworɛ so, nakoso bennya anwoserɛ bɛmva bɛndwe bɛ nwo.

Ɛsra 9:9

Ɔwɔ nu kyɛ yayɛ nganga de, nakoso yɛ Nyameɛ anye ye sa wamvi yɛ bo wɔ yɛ ngangayɛlɛ ne anu. Mmom, wama Pɛsia ahemvo banwu yɛ anwumvoin. Na ɔnate so bama yɛ ate kyɛ yɛsa yɛsi yɛ Nyameɛ awuro ne, kyɛ yɛhyehyɛ ye nekaa bɔ wabubu ne, na wabɔ yɛ nwo waen wɔ Yuda ne Yerusalem.

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Ɛseta 2:15

Odwuli Ɛseta so kyɛ ɔkɔ Nana Ahasuro nyunu. Modekae bɔ ɔfale ye yɛle ɔwa ne, ye baba aliɛma bienzua Abihail ɔwa ɛne. Ɛseta anga kyɛ bɛma ye nningyein bɔ ɔfa siesie ye nwo ɔ. Nningyein bɔ Nana Ahasuro sayɛɛ Hegae, bɔ ɔnea mmrasua nemɔ so ne otuli ye foɛ kyɛ ɔfa siesie ye nwo ne, ye ala yeɛ ɔfale ɔ. Na ebiala bɔ ye nye bɔle Ɛseta so ne, ye nwo yɛle ye nyemene.

Ɛseta 2:17

Na Nana Ahasuro hurole Ɛseta trale mmrasua ngaa ne amu. Ohurole ye dwirɛ, na ye nye gyele ye nwo trale mmabunu ne amu, yiti ɔfale ɛhemmaa kyerɛ ne wurale ye, na ɔfale ye sili hemmaa sili Wasiti gya nu.

Ɛseta 2:7

Modekae yeɛ ɔtetele ye baba aliɛma awa brasua Hadasa bɔ osa li Ɛseta ne ɔ, ofikyɛ né sɔ taluwa ne olle niɛ ne seɛ. Né anwonyemene abia ye. Oni ne ɔse bewuli ne yeɛ Modekae fale ye yɛle ɔwa ɔ.

Ɛseta 4:13

Modekae koso fale ngraa maa bɛɛmane Ɛseta kyɛ, “Nnɛdwene kyɛ ɛwɔ ahemvie berɛ ne ati, sɛ beku Yudafoɛ amukoraa a, wɔ de ekonya wɔ ti kodidi nu.

Ɛseta 4:15

Na Ɛseta fale mmuayɛɛ maa bɛɛmane Modekae kyɛ,

YOB NWOMAA NE 9:18

Ɔmma menne me nwome, na mmom waprapra aworabɔlɛ wagua me so.

Nworɛ Dwirɛhanɛniɛ 3:7

nikyee nu sunzualɛ le ye mmerɛ, yeɛ ye pombalɛ le ye mmerɛ, konnyɛlɛ le ye mmerɛ, yeɛ edwudwolɛ le ye mmerɛ,

Yesaya 49:23

Ahemvo mɔ, bɛkɔyɛ wɔ baba mɔ bɔ bɛtete wɔ ɔ, yeɛ bɛ hemmaa mɔ kɔyɛ wɔ maame mɔ bɔ bɛma wɔ nyɔfone ɔ. Bɛkɔfa bɛ nyunu bekobutu ase bekobu ndwerɛ wɔ wɔ nyunu, ná batafe wɔ gya bo mvuture. Na afei ekonwu kyɛ me ole AWURADE, na bɛ bɔ bɛfa bɛ nye bɛto me so ne, bɛ nyunu ngogua ase.”

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 46:28

Ao me somvoɛ Yakob, nnɛsuro ofikyɛ ngyi wɔ si, AWURADE noa dwirɛ ɛne. Maen maen amukoraa bɔ mafoa wɔ mahɔ so ne, ngonua bɛ boso. Nakoso wɔ de, mengonua wɔ boso, na mmom ngɔhwe wɔ so kyɛbɔ ɔfata ɔ, na mengɔyakyi wɔ maa ɛngɔfa wɔ nwo ngoli tɔtorɔtɔɔ.”

Lewitikɔso 26:42

ye de ngɔkaye m’apam bɔ me ne Yakob yɛyɛle ne. Ngɔkaye m’apam bɔ me ne Yisake yɛyɛle ne ɔne bɔ me ne Abraham yɛyɛle ne koso, na ngɔkaye aseɛ ne.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 24:22

Na sɛ bande sɔ ngyẽa ne aso a, ahaa bengole sona biala ngoa; nakoso ɔnate bɛ bɔ baneanea nu baye bɛ ne ati, bɛkɔte sɔ ngyẽa ne aso.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Maenbulɛfoɛ 15:6

Yeɛ Filistifoɛ bisale kyɛ, “Nwa yeɛ wayɔ sɔ amumuyɛɛ ye?” Na bɛtele kyɛ, “Timinaniɛ ne, ye sia bienzua Samson yeɛ wayɔ sɔ ne, ofikyɛ biaa ne ale Samson aye wafa ye wama Samson abiɛngo.” Yiti Filistifoɛ fale see bɛɛyerale braa ne ɔne ye baba.

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.

1 Samuel 17:29

Na Dawide buale ye kyɛ, “Mayɔ nzu? Edwirɛ mbaen yeɛ mébisa ɔ.”