Ɛseta 4:1 - AHYERƐLƐ KRONGRON

¹ Modekae tele edwirɛ bɔ wasi ne amukoraa nen, osunzuale ye ndaadeɛ nu, ɔherale ɛsɛen tena, ɔfale nzoen yɛle ye nwo, na ole esuɛ ne awuyebɔlɛ hyinini kuro ne anu.

Ɛseta 4:1 Iomraidhean Croise

Gyenesise 27:34

Na Yisɔ tele ɔse dwirɛ nen, ole aworabɔlɛ kandinga teateane nu suni, na ɔsrɛle ɔse kyɛ, “O baba, yira me koso bie!”

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

2 Samuel 1:11

Yeɛ Dawide sɔle ye bɔbɔ ye ataadeɛ nu sunzuale nu, na ye mmenia bɔ bɛboka ye so ne amukoraa, besunzuale bɛ deɛ nu sɔ ala.

2 Samuel 13:19

Yeɛ Tamar fale nzoen guale ye ti so, osunzuale ataadeɛ tendenn bɔ owura ye ne anu, na ɔfale ye sa guale ye ti so bɔle awuye fili berɛ hɔle.

Ɛseta 4:2

Ɔhɔle alaa oodwuli ahemvie anoa nu berɛ, ofikyɛ né mmeraa mma ate mma ebiala ngera ɛsɛen tena onwura ahemvie berɛ.

Ɛseta 4:3

Manzini ne amukoraa nu, nekaa biala bɔ Nana Ahasuro mmeraa bɔ wahyɛ ne oodwuli ne, Yudafoɛ nemɔ bɔle awuye belili aworabɔlɛ ne mmuadaa, na bɛ nu pee herale ɛsɛen tena bɛfale nzoen bɛyɛle bɛ nwo.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

YOB NWOMAA NE 2:8

Afei Yob ɔɔtenane nzoen nu, na ɔfale nyangaa bue bie dwirili ye nwo.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Yesaya 15:4

Hesebon ne Eleale besu serɛserɛ, bɛte bɛ suɛ alaa kodwu Yahase, yiti Moabo koɛhonɛfoɛ nemɔ bɛteatea nu, na ye nwo ngaka anwati.

Yesaya 22:4

Yiti yeɛ ngane kyɛ, “Ɛ́mɔyakyi me, ɛ́mɔma nzu hahii, nnɛma ɛmɔha bɛ nwo kyɛ ɛmɔkɔkyekye me wora wɔ edwirɛ piri bɔ wato me maen awa brasua ne anwo.”

Yesaya 37:1

Na ɔwale kyɛ, Nana Hesekia tele sɔ dwirɛ nen, osunzuale ye bɔbɔ ye ndaadeɛ nu, ɔherale ɛsɛen tena, na ɔhɔle AWURADE awuro berɛ.

Yesaya 37:2

Ɔsomane Eliakim bɔ ɔnea ahemvie berɛ ne, ahyerɛlɛniɛ Sebena, yeɛ asɔfo nemɔ anu mbanyi mɔ maa bɛhɔle Amoso awa ngɔmhyɛlɛniɛ Yesaya berɛ. Bɛherale ɛsɛen tena yeɛ bɛhɔle ɔ.

Yesaya 58:5

Aso akɔngyere bɔ ɔsɔ me nye ɛhe, kyẽa bɔ sona brɛ ye kra ase ne anaa? Aso akɔngyere okyire bɛ ti ase bɔ bɛbɔ ye kyɛ ngyɛngyɛma, ɔne kyɛ ɛkɔtrɛtrɛ ɛsɛen tena ne nzoen nu ɛkɔla so ɔ? Eh, aso ɛhe yeɛ ɛfrɛ ye akɔngyere ɔ, ɔne kyẽa bɔ ɔsɔ AWURADE nye ne anaa?

Hesekiel 21:11

“ ‘Ɔfale ngrandɛ ne mane kyɛ behwi ye nwo, amaa sɛ betira nu a wayɛ yee. Basi ngrandɛ ne, yeɛ bahwi ye nwo, kyɛ bɛfa bewura sonahunɛniɛ ne sa nu.

Hesekiel 21:6

“Na wɔ, Sona awa, fa aworabɔlɛ ne yealɛlilɛ gua anwongokoɔ bɔ bɛ nye tua ɔ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mika 1:8

Na ɛhe ati, ngosu ngɔbɔ awuye; ngɔye me gya ngogua ase ngɔye me nwo ngɔto so; ngɔbɔ awuye kyɛ ɛserɛ so ngyea, ná mali aworabɔlɛ kyɛ patue.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Mateo 11:21

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Asomafoɛ 14:14

Na mmerɛ bɔ Banaba ne Pɔɔlo tele sɔ dwirɛ nen, besunzuale bɛ ndaadeɛ nu; betuli amirika bɛhɔle mmenia ne anu, na bɛteateane nu kyɛ,

Yosua 7:6

Ɛhe mane Yosua sunzuale ye ndaadeɛ nu, na ɔfale ye nyunu butuli aseɛnwo wɔ AWURADE alaka ne nyunu toonn maa oodwuli nɔsoa. Ɔne Yisrael mbanyi yeɛ bɛyɔle sɔ ɔ, na betuli mvuture beguale bɛ ti so.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”