Ɛseta 3:7 - AHYERƐLƐ KRONGRON

⁷ Nana Ahasuro lili bia ne, ye afoɛ buru ne nyɔ ne anu, bosome bɔ oli moa, bɔ bɛfrɛ ye Nisan ne anu, beguale serewa wɔ Haman nyunu. Bɛfrɛ serewagualɛ ne Pure. Bɛfa bɛpenane kyẽa ne bosome bɔ ɔkɔfa konua Yudafoɛ boso ɔ. Na serewagualɛ ne yele kyẽa bɔ ɔtɔ so buru ne nza wɔ bosome bɔ ɔtɔ so buru ne nyɔ bɔ bɛfrɛ ye Ada ne.

Ɛseta 3:7 Iomraidhean Croise

Ɛsra 4:6

Ahasuro ahennie aberɛ so, afoɛ bɔ oli moa wɔ ye ahennie ne anu ne, pɔfoɛ nemɔ hyerɛle Yudafoɛ ne Yerusalemfoɛ nwo krataa bɛɛtoatoale bɛ.

Ɛsra 6:15

Beyiele awuro ne si wɔ kyẽa bɔ ɔtɔ so nza wɔ bosome bɔ bɛfrɛ ye Ada ne anu, wɔ Nana Dario ahennie afoɛ bɔ ɔtɔ so nzia ne anu.

Nehemia 2:1

Nana Atasɛsɛse lili bia ne, ye afoɛ bɔ ɔtɔ so aburanyɔ ne anu, bosome bɔ bɛfrɛ ye Nisan ne anu, ɛlɛho bie, né nzaa gyi Nana nyunu, na nzuli ye. Sɔ mmerɛ ne, né Nana Atasɛsɛse onnwuni kyɛ me wora abɔ wɔ ye nyunu le.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Ɛseta 2:16

Nana Ahasuro ahennie afoɛ bɔ ɔtɔ so nzoo ne anu, bosome buru bɔ oli Tebete ne anu yeɛ bɛfale Ɛseta bɛhɔle ye ahemvie berɛ ɔ.

Ɛseta 9:1

Bosome bɔ ɔtɔ so buru ne nyɔ, bɔ oli Ada ne, ye kyẽa bɔ ɔtɔ so buru ne nza ne aso, bɔ né bɛbaafa Nana Ahasuro mmeraa ne ye krataa ne bɛyɔ adwuma ne, sɔ kyẽa ne ala yeɛ né Yudafoɛ bɛ pɔfoɛ mɔ batu basie berɛ kyɛ bekohũhũ Yudafoɛ ɔ. Nakoso wamma ye sɔ. Ɔyɛle kyẽa bɔ Yudafoɛ belili bɛ pɔfoɛ mɔ so ngonim ɔ.

Ɛseta 9:21

Ɔnwa, odi kyɛ betu bosome Ada, ye kyẽa bɔ ɔtɔ so buru ne nna, ɔne bɔ ɔtɔ so buru ne nnu ne besie berɛ afoɛnoa biala,

Ɛseta 9:5

Yiti Yudafoɛ fale ngrandɛ behuhuni bɛ pɔfoɛ mɔ amukoraa, bɛpepɛle bɛ, benuane bɛ boso, na bɔ bekuro biala, bɛfa bɛyɔle bɛ pɔfoɛ mɔ.

Anyandera 16:33

Mmenia gua serewa de, nakoso nu ngyerɛmuɛ ne amukoraa ofi AWURADE.

Mateo 27:35

Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]