Ɛseta 3:2 - AHYERƐLƐ KRONGRON

² Nana Ahasuro somvoɛ amukoraa bɔ bɛwɔ ahemvie anoa nu berɛ ne, né ɔyɛ a bɛkoto Haman bɛfa anidie bɛma ye, ofikyɛ né Nana Ahasuro ahyɛ kyɛ bɛyɔ sɔ bɛma ye. Nakoso Modekae de, wangoto ye, yeɛ wammɔ ye ti ase wamma ye.

Ɛseta 3:2 Iomraidhean Croise

Gyenesise 41:43

Ɔfale ye tenane ye teaseɛnam bɔ ɔtɔ so nyɔ ne anu, na bɛteane nu belili ye nyunu kyɛ, “Ebiala koto ye oo!” Na ɔnate so fale Misraim maen ne amukoraa bewurale ye sa.

Ɛseta 2:19

Mmerɛ bɔ bɛboaboale mmabunu nemɔ noa ye pɛen nyɔ so ne, né Modekae waatena ahemvie anoa nu berɛ.

Ɛseta 2:21

Ɛlɛho bie, né Modekae te ahemvie anoa nu berɛ. Sɔ mmerɛ ne, Bigitan ne Terese, bɔ bɛte Nana Ahasuro sayɛɛ nemɔ anu nyɔ bɔ bɛwɛne Nana pumbu nu anoa nemɔ nen, bɛfɛle yaa, na bɛbɔle porɛ kyɛ bekohu Nana Ahasuro.

Ɛseta 2:5

Né Yudaniɛ bie wɔ Susa ahenguro berɛ. Ɔte Benyaminniɛ bɔ ye dumaa li Modekae. Ɔse ole Yari bɔ ofi Simei abusua nu, bɔ ye koso ofi Kise abusua nu ne.

Ɛseta 3:1

Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 3:3

Yeɛ Nana Ahasuro somvoɛ mɔ bɔ bɛwɔ ahemvie anoa nu berɛ ne bebisale Modekae kyɛ, “Nzu ati yeɛ wɔ de, ebu Nana mmeraa so ye?”

Ɛseta 3:5

Haman nwuni kyɛ Modekae ngoto ye mmɔ ye ti ase mma ye nen, Haman ahone huli.

Ɛseta 5:9

Sɔ kyẽa ne, Haman fili ɛpoentolɛ ne abo bɔ né ye nye agye, bɔ ye ti anu ayɛ ye fɛfɛɛfɛ ɔ. Nakoso Haman oonwuni Modekae wɔ ahemvie anyunu berɛ, bɔ Modekae wandwɔso, ná afei koso wangyire kyɛ osuro Haman nen, ye ahone huli Modekae paa.

Edwein 15:4

Sɔ sona ne, amumuyɛɛfoɛ bɛla ye nye so mbaen, na ɔfa anidie ma bɛ bɔ besuro AWURADE ɔ. Sɛ ɔta ndaen ma ye nwo kyere ye po a, ommu so;

Ɛksadɔso 17:14

Na AWURADE sele Mose kyɛ, “Kyerɛ he wɔ nwomaa bie aso ma ɔyɛ ngayeɛ nikye, ná kenga kyire Yosua kyɛ, ngonua Amalɛke ye boso ngofi aseɛ ye aso.”

Ɛksadɔso 17:16

Na ɔhane kyɛ, “Odi kyɛ ebiala ma AWURADE frangaa ne aso, ofikyɛ AWURADE ne Amalɛke bɛkɔho koɛ wɔ aworɛ ndoatoasoɛ mukoraati nu.”

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.

Deuteronomi 25:19

Yiti sɛ AWURADE wɔ Nyameɛ ma wɔ nwo tɔ wɔ fi wɔ pɔfoɛ amukoraati bɔ bapɛ wɔ nwo bayia ne sa nu, wɔ aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso a, kyikyi Amalɛkefoɛ bɛ boso bɔkɔɔ fi ewiase. Nnɛma wɔ wora fi!

Filipifoɛ 2:10

kyɛ Yesu dumaa nu yeɛ ɔsɛ kyɛ nangoroma mukoraa bɛkoto, bɔ ɔwɔ nyameɛso, bɔ ɔwɔ aseɛ so, ɔne bɔ ɔwɔ aseɛ bo dɔ ɔ,

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”