Ɛseta 3:15 - AHYERƐLƐ KRONGRON

¹⁵ Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Ɛseta 3:15 Iomraidhean Croise

Gyenesise 37:25

Ye si ye, bɛtenane ase kyɛ bedidi. Na bɛmane bɛ ti so ne, benwuni Yismaelfoɛ dwadifoɛ bɔ bɛtete afupɔngɔ so, bɔ befi Gileade bɛ́kɔ Misraim ɔ. Né b’afupɔngɔ mɔ bɛsoso pɔweɛ, sakyeɛ ne asãa.

1 Ahemvo 14:27

Yiti nziɛ ye, Nana Rehoboam yɔle kɔɔbere akokyɛm mɔ fa sili bɛ gya nu, na ɔfa wurale awɛmvoɛ mbanyi bɔ ne bɛwɛne ahemvie berɛ anoa nemɔ sa.

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Anyandera 31:4

O Lemuel, ɔtte mayee mma ahemvo mɔ kyɛ bɛkɔno nzaa ɔ, ɔtte mayee mma ahemvo mɔ; anaa maenbulɛfoɛ kyɛ bekohuro nzaa serɛ ɔ;

Anyandera 4:16

Ofikyɛ bɛ de bɛnna, sana bayɔ bɔne koraka, nnakorɔkorɔ tɔ bɛ so, sana bama ebie afi ase koraka.

Hosea 7:5

Yɛ hene ne, ye kyẽa ne, ye mbanyi mɔ bɛnone nzaa bɛyɛle tendaenn; ɔne ngorohoɛfoɛ yeɛ betu nu ɔ.

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Yohane 16:20

Nahorɛ nu paa, mekã mekyire ɛmɔ kyɛ: Ɛmɔkosu ná ɛmɔabɔ awuye, nakoso wiase koli ahurusi; na ɛmɔ de, ɛmɔ wora kɔbɔ, nakoso ɛmɔ aworabɔlɛ ne kɔkakyi ahurusililɛ.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.