Ɛseta 3:11 - AHYERƐLƐ KRONGRON

¹¹ Na Nana Ahasuro sele Haman kyɛ, “Sikaa ne wura wɔ sa, yeɛ mmenia ne koso bewura wɔ sa. Bɔ ekuro biala, fa yɔ bɛ.”

Ɛseta 3:11 Iomraidhean Croise

Ɛseta 3:10

Yeɛ Nana Ahasuro yele ye nzɔanoɛ pɛteaa fili ye sa, na ɔfa mane Agaginiɛ Hamedata ɔwa Haman bɔ ɔpɔ Yudafoɛ ne.

Ɛseta 3:12

Bosome bɔ oli moa ne, ye kyẽa bɔ ɔtɔ so buru ne nza ne, bɛfrɛfrɛle Nana Ahasuro ahyerɛlɛfoɛ amukoraa maa beyiale, na bɛhyerɛle maa ɔyɛle mmeraa, kyɛbɔ Haman hyɛle kyɛ bɛyɔ ne ala. Na bɛfa bɛɛmane Nana Ahasuro mbɔtam mbanyi mɔ, amrado mɔ, maen maen nemɔ so mbanyi mɔ, manzini biala, kyɛbɔ ye ahyerɛlɛ ne nu mmenia dwudwolɛ si te ne, sɔ ala yeɛ bɛhyerɛle ye ɔ. Bɛhyerɛle ye Nana Ahasuro dumaa nu, na bɛfale ye nzɔanoɛ pɛteaa bɛsɔle ye noa.

Edwein 73:7

Bayɛ piri ma bɛ nye asi ayɛ kutukutuu, ngwaseasɛm yeɛ wayi bɛ ti anu to ɔ.

Yeremia 26:14

Na me mmom de, ɛ́mɔtie, nwɔ ɛmɔ sa nu. Bɔ ɔte paa ná ɔtengyɛ wɔ ɛmɔ nye so ne, ɛ́mɔfa beli me.

Yeremia 40:4

Afei, tie, ɛnɛ kyẽa ye, mesangye ngɔnzɔngɔnzɔ bɔ ogua wɔ sa ne. Sɛ ekuro a, ɛne me hɔ Babilɔn, na ngɔte me nye ngɔnea wɔ. Nakoso sɛ enguro kyɛ ɛne me kɔhɔ Babilɔn a, ye de nnɛkɔ. Nea, aseɛ ye amukoraa yeɛ ɔla wɔ nyunu tɛtrɛtɛɛ ye; nekaa biala bɔ ɔte paa ma wɔ bɔ ekuro kyɛ ɛkɔ ne, kɔ.”

Luka 23:25

Na ɔyakyili biaa bɔ ɔnate ɛlɔenyɛlɛ ne awuelilɛ ti bafa ye bato kuku nu ne mane bɛ, kyɛbɔ bɛsrɛle ye ne ala; nakoso Yesu de, ɔyele ye mane bɛ kyɛbɔ bɛpena ne.