Ɛseta 3:1 - AHYERƐLƐ KRONGRON

¹ Nziɛ ye, Nana Ahasuro bɔle Agaginiɛ Hamedata ɔwa Haman aba so. Ɔbɔle ye panyi, na ɔpagyale ye dibea maa ɔtrale ye mmango mbanyi ne amukoraa.

Ɛseta 3:1 Iomraidhean Croise

Gyenesise 41:40

Wɔ yeɛ ɛkɔnea nikyee biala so wɔ m’ahemvie wa ɔ, na wɔ noa dwirɛ yeɛ me mmenia amukoraa koli so ɔ, sana bia bɔ nde so ye ala yeɛ ngɔfa ngɔtra wɔ ɔ.”

Gyenesise 41:55

Ɛhɔen ne dwuli Misraim nekaa biala, na mmenia beesuni ɛhɔen behyirele Faro. Na Faro sele Misraimfoɛ ne amu kyɛ, “Ɛmɔhɔ Yosef berɛ, na bɔ okose ɛmɔ ne biala, ɛ́mɔyɔ.”

Ɛsra 7:14

Ofikyɛ me Atasɛsɛse, me ne me foɛtulɛfoɛ nzoo nemɔ yeɛ yasoma wɔ ɔ, kyɛ kɔ Yuda ne Yerusalem kɔtoto nningyein yé, kyɛbɔ wɔ Nyameɛ mmeraa bɔ otira wɔ sa nu ne okyire ne.

Ɛseta 1:14

Bɛ bɔ ɔyɛ a Nana Ahasuro ɔne bɛ betu asure paa ole Kasena, Seta, Adimata, Tasise, Merese, Masena ne Memukan. Bɛ yeɛ bɛte mbanyi nzoo bɔ bɛwɔ Pɛsia ne Media bɔ né bɛtaa bɛ ne Nana Ahasuro bedi ngitahoɛ ɔ, na bɛ yeɛ betira ahennie ne anu dibea piri paa ɔ.)

Ɛseta 3:10

Yeɛ Nana Ahasuro yele ye nzɔanoɛ pɛteaa fili ye sa, na ɔfa mane Agaginiɛ Hamedata ɔwa Haman bɔ ɔpɔ Yudafoɛ ne.

Ɛseta 5:11

Haman hane sɔ dwirɛ hemɔ hyirele bɛ: ye nwo bɔ wanya ye paa ɔ, ye mma somaa bɔ wawo bɛ ɔ, ye aba so bɔ Nana Ahasuro wabɔ amukoraa, ɔne kyɛbɔ Nana Ahasuro wasi wapagya ye dibea maa watra ye mbanyi mɔ ne ye somvoɛ mɔ ɔ.

Ɛseta 7:6

Na Ɛseta buale kyɛ, “Sɔ Haman he, ɔte busueniɛ, okyi yɛ, na osa te yɛ pɔfoɛ.” Na sɔ dwirɛ ne mane Haman kunu tele ye wɔ Nana Ahasuro ne Nana hemmaa Ɛseta bɛ nyunu berɛ.

Ɛseta 8:3

Afei Ɛseta hɔle Nana Ahasuro nyunu bieku, ɔtole ye nwo yele ye gya bo, na ole esuɛ ɔkotole ye ɔfa tole ye nyunu kyɛ, Yudafoɛ nwo adwene tɛɛ bɔ Agaginiɛ Haman nyane ye, ɔne bɛ ti so porɛ bɔ ɔbɔle ne, ɔsrɛ ye ala, ɔ́pɛ nu.

Edwein 12:8

Bɔnefoɛ abu so wɔ nekaa biala, na adasa mmaa sosɔ bɔne so.

Anyandera 29:2

Sɛ teneneefoɛ bedi maen so a, nu mmenia di ahurusi, nakoso sɛ bɔnefoɛ di so a, nu mmenia sũ gua bɛ kunu.

Nworɛ Dwirɛhanɛniɛ 10:6

bama ngwaseasɛm dibea maa wanya animnyam piri, na sikafoɛ dibea de, wahɔ ase.

Daniel 6:2

Afei ɔyele mbanyi mɔ so neafoɛ nza bɔ bɛkɔnea mbɔtam mbanyi nemɔ aso ɔ, bɔ né Daniel te mmenia nza nemɔ anu ko ɔ. Né odi kyɛ sɔ mbɔtam mbanyi nemɔ bebu b’adwuma nwo ngondaa bekyire bɛ, amaa ɔnate so ɛhene ne anhwere ye nikyee bie.

Numeri 24:7

Nzue kofi ye bua nu kɔtengyɛ, na ye boso ama konya nzue pee, ye hene kɔyɛ titire kɔtra Agage, na ye ahennie konya ngɔsoɛ.

1 Samuel 15:33

Na Samuel sele kyɛ, “Kyɛbɔ wɔ ngrandɛ ama mmrasua bafa bɛ sa bafi terɛ ne, sɔ ala yeɛ mmrasua mɔ nu wora, eni kɔfa ye sa kofi terɛ ɔ.” Na Samuel pepɛle Agage nu ahuronzi ahuronzi wɔ AWURADE nyunu wɔ Gilgal.

1 Samuel 15:8

Ɔhyele Amalɛkefoɛ hene Agage anyekaenn so, nakoso mmenia ne amu de, ɔfale ngrandɛ huhuni bɛ bɔkɔɔ.