Ɛseta 2:9 - AHYERƐLƐ KRONGRON

⁹ Taluwa Ɛseta sɔle Hegae nye, na Hegae lole ye. Ɔyɛle ndɛndɛ fale Ɛseta sakyeɛ mɔ bɔ ɔfa popa ɔ ɔne ye aleɛ mane ye. Osa neaneane Nana Ahasuro abaawa nemɔ nu yele nu nzoo kyɛ bɛso Ɛseta, na ɔmaa ɔne ye abaawa nemɔ bɛɛtenane nekaa paa paa wɔ mmraanu berɛ.

Ɛseta 2:9 Iomraidhean Croise

Gyenesise 39:21

Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

Gyenesise 39:4

Yosef sɔle ye mene nye. Ɔsole ye, na biaa ne fale ye tuale ye awuro ne anoa, na ɔfale bɔ ole ye amukoraa wurale ye sa.

1 Ahemvo 8:50

Na wɔ mmenia bɔ bayɔ bɔne batia wɔ ne, bɔne ne b’amumuyɛɛ amukoraa bɔ bayɔ batia wɔ ne, fa kyɛ bɛ. Ma mmenia bɔ bahye bɛ nnure ne benwu bɛ anwumvoin, amaa ɔnate so banwu bɛ anwumvoin.

Ɛsra 7:6

sɔ Ɛsra ne fili Babilɔn wale. Né ɔte ahyerɛlɛniɛ bɔ wabe paa wɔ Mose mmeraa bɔ AWURADE Yisrael Nyameɛ fa mane Yisraelfoɛ ne anu. Ye dwirɛ bɔ ɔfa tole Nana Atasɛsɛse nyunu biala, ɔyɔ mane ye, ofikyɛ né AWURADE ye Nyameɛ gyi ye si.

Nehemia 2:8

Afei, Nana, kyerɛ krataa maa ngɔma Asafe bɔ ɔnea wɔ ɛhɔayeɛ ne aso ne, kyɛ ɔma me mmakaa maa mva nyɔ asɔneyɛɛ sua abandenden pambim mbuna nemɔ, kuro berɛ fasue pambim nemɔ ɔne awuro bɔ mekwaatena nu ne anoa nemɔ.” Na nningyein bɔ nzrɛle ne, Nana Atasɛsɛse fa mane me, ofikyɛ né me Nyameɛ bɔ ɔdo sona ne, né ogyi me si.

Ɛseta 2:12

Bosome buru ne nyɔ ne sone, kyɛbɔ mmrasua nemɔ bɛ nwo siesielɛ amammerɛ ɔte ne. Mmerɛ somaa bɔ né bɛfa besiesie bɛ nwo hɔ ɛne. Bɛbobɔ bɛ korobo bosome nzia, yeɛ bɛfa mmrasua sakyeɛfona bɛyɛ bɛ nwo bosome nzia. Sɔ mmerɛ ne sone ne, odwuli taluwa biala so kyɛ odi kyɛ ɔfa ye anwonyemene kokyire Nana Ahasuro.

Ɛseta 2:3

Nana, manzini amukoraa bɔ bɛwɔ w’ahennie nu ne, tu mbanyi sie berɛ maa bɛboaboa mmabunu anwonyemene amukoraa noa. Maa bɛfa bɛ bɛbra Susa ahemvie mmraanu berɛ. Nana, wɔ sayɛɛ Hegae bɔ ɔnea mmrasua so ne, maa bɛfa bɛ bewura ye sa, ná maa ɔma bɛ sakyeɛ mɔ bɔ bɛkɔfa bɛkɔpopa ɔ.

Ɛseta 5:2

Nana Ahasuro nwuni Nana hemmaa Ɛseta kyɛ ogyi ahemvie ne akunu berɛ pɛ, ye nwo yɛle ye ahomeka, na ɔtengyɛle sikaa kɔkorɛ hɔtɔ bɔ otira ye ne wɔ Ɛseta so. Ɛseta pingyele ye nwo berɛ, na ɔfale ye sa hane ɛhɔtɔ ne ti.

Edwein 106:46

Na bɛ bɔ bɛhyele Yisraelfoɛ nnure amukoraa, Nyameɛ maa benwuni Yisraelfoɛ anwumvoin.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Daniel 1:9

Na Nyameɛ mane sayɛɛ panyi ne lole Daniel onwuni ye anwumvoin.

Asomafoɛ 7:10

ɔyele ye fili ye amaneɛnwunɛ amukoraa nu. Ɔmane ye adom ne nworɛ wɔ Misraim hene Faro nyunu, na ɛhene ne fale ye sili Misraim ne ye awuro so amukoraa amrado.