Ɛseta 2:8 - AHYERƐLƐ KRONGRON

⁸ Mmerɛ bɔ bɛbɔle Nana Ahasuro noa dwirɛ ne ye mmeraa nwo dawure, bɔ bɛboaboale ndaluwa pee noa wɔ Susa ahemvie bɛfale bɛ bewurale Hegae sa ne, Ɛseta koso bɛfale ye bɛhɔle Nana Ahasuro ahemvie berɛ bie, na bɛfale ye bewurale Hegae bɔ ɔnea mmrasua so ne sa.

Ɛseta 2:8 Iomraidhean Croise

Ɛseta 2:15

Odwuli Ɛseta so kyɛ ɔkɔ Nana Ahasuro nyunu. Modekae bɔ ɔfale ye yɛle ɔwa ne, ye baba aliɛma bienzua Abihail ɔwa ɛne. Ɛseta anga kyɛ bɛma ye nningyein bɔ ɔfa siesie ye nwo ɔ. Nningyein bɔ Nana Ahasuro sayɛɛ Hegae, bɔ ɔnea mmrasua nemɔ so ne otuli ye foɛ kyɛ ɔfa siesie ye nwo ne, ye ala yeɛ ɔfale ɔ. Na ebiala bɔ ye nye bɔle Ɛseta so ne, ye nwo yɛle ye nyemene.

Ɛseta 2:3

Nana, manzini amukoraa bɔ bɛwɔ w’ahennie nu ne, tu mbanyi sie berɛ maa bɛboaboa mmabunu anwonyemene amukoraa noa. Maa bɛfa bɛ bɛbra Susa ahemvie mmraanu berɛ. Nana, wɔ sayɛɛ Hegae bɔ ɔnea mmrasua so ne, maa bɛfa bɛ bewura ye sa, ná maa ɔma bɛ sakyeɛ mɔ bɔ bɛkɔfa bɛkɔpopa ɔ.

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.