Ɛseta 2:7 - AHYERƐLƐ KRONGRON

⁷ Modekae yeɛ ɔtetele ye baba aliɛma awa brasua Hadasa bɔ osa li Ɛseta ne ɔ, ofikyɛ né sɔ taluwa ne olle niɛ ne seɛ. Né anwonyemene abia ye. Oni ne ɔse bewuli ne yeɛ Modekae fale ye yɛle ɔwa ɔ.

Ɛseta 2:7 Iomraidhean Croise

Gyenesise 48:5

Na afei wɔ mma mmienzua nyɔ nemɔ bɔ ɛwole bɛ wɔ Misraim koraka yeɛ meba wɔ wa wɔ Misraim nen, mekyire Efraim ɔne Manase, bɛte me deɛ; bɛkɔyɛ me mma kyɛbɔ Ruben ne Simeon bɛte ne ala.

Ɛseta 1:11

kyɛ bɛɛfa Nana hemmaa Wasiti bɛbra ye nyunu. Ɔnwa ɔsɛ kyɛ Nana hemmaa ne ɔbɔ ahennie abotire; bɔ ɔkɔma mmenia ne ye mbanyi mɔ bekonwu ye anwonyemene ɔ, ofikyɛ né ye nwo yɛ nyemene.

Ɛseta 2:15

Odwuli Ɛseta so kyɛ ɔkɔ Nana Ahasuro nyunu. Modekae bɔ ɔfale ye yɛle ɔwa ne, ye baba aliɛma bienzua Abihail ɔwa ɛne. Ɛseta anga kyɛ bɛma ye nningyein bɔ ɔfa siesie ye nwo ɔ. Nningyein bɔ Nana Ahasuro sayɛɛ Hegae, bɔ ɔnea mmrasua nemɔ so ne otuli ye foɛ kyɛ ɔfa siesie ye nwo ne, ye ala yeɛ ɔfale ɔ. Na ebiala bɔ ye nye bɔle Ɛseta so ne, ye nwo yɛle ye nyemene.

Ɛseta 2:20

Né Ɛseta ɔllale ye abusua anaa ye maen ali, kyɛbɔ Modekae bɔle ye noa ne ala, ofikyɛ Ɛseta lili Modekae dwirɛ so, kyɛbɔ ɔyɔle ye mmerɛ bɔ né ɔtete ye ne ala.

Ɛseta 8:1

Sɔ kyẽa ne ala, Yudafoɛ bɛ pɔfoɛ Haman ye awuro ne, Nana Ahasuro fa mane Nana hemmaa Ɛseta. Na Modekae wale Nana nyunu, ofikyɛ né Ɛseta aha ahyire Nana kyɛ ye nwoniɛ ɛne.

YOB NWOMAA NE 31:17

Anaakyɛ, mayɛ angomedi, bɔ nyisiaafoɛ banni aleɛ ne bie ɔ?

YOB NWOMAA NE 31:18

Ofikyɛ, ofi me ngwalaa nu yeɛ manea nyisiaafoɛ mayɛ kyɛ bɛ se ɔ, na mahyire akunafoɛ mmrasua ate ofi kyɛ bɛwole me ɔ.

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Ɛfesofoɛ 6:4

Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.