Ɛseta 2:5 - AHYERƐLƐ KRONGRON

⁵ Né Yudaniɛ bie wɔ Susa ahenguro berɛ. Ɔte Benyaminniɛ bɔ ye dumaa li Modekae. Ɔse ole Yari bɔ ofi Simei abusua nu, bɔ ye koso ofi Kise abusua nu ne.

Ɛseta 2:5 Iomraidhean Croise

2 Samuel 16:5

Mmerɛ bɔ Nana Dawide oodwuli Bahurim nen, mvum nu, biaa bie bɔ oli Simei bɔ ofi Sɔɔlo abusua nu wale berɛ. Ye baba ole Gera. Ɔ́ba ne, né ɔ́boro amoen.

2 Ahemvo 24:12

Na Yuda hene Yehoakyin bɔbɔ ɔfale ye nwo wurale Babilɔn hene sa ole tole nu kyɛ wali ngoguo ɔne oni, ye somvoɛ mɔ, ye safohene mɔ yeɛ ye ahemvie mbanyi mɔ yeɛ bɛyɔle sɔ ɔ. Babilɔn hene lili hene ne, ye afoɛ bɔ ɔtɔ so mmɔtwɛ ne anu yeɛ ɔhyele ye nnure ɔ.

2 Ahemvo 24:15

Ɔfale Yehoakyin hɔle Babilɔn, na ɔhyele Yehoakyin maame, ɔye mɔ, ahemvie mbanyi ɔne maen ne anu atitire nemɔ nnure fili Yerusalem hɔle Babilɔn.

Ɛseta 1:2

Sɔ mmerɛ ne, Nana Ahasuro bia bɔ olili ne, né Susa ahemvie yeɛ ɔte ɔ.

Ɛseta 10:3

Na Yudaniɛ Modekae ye dibea ne, sɛ né Nana Ahasuro nne berɛ a, ye yeɛ ɔwɔ berɛ ɔ. Onyane animnyam wɔ Yudafoɛ nyunu, na ye mmango Yudafoɛ hurole ye dwirɛ, ofikyɛ né ɔpena ye mmenia paa, na ɔfale ye boso ama bɛ yeeyɛlɛ nwo dwirɛ tole ye nwo so, na ɔhane asomdwee dwirɛ hyirele ye mmenia amukoraa.

Ɛseta 2:3

Nana, manzini amukoraa bɔ bɛwɔ w’ahennie nu ne, tu mbanyi sie berɛ maa bɛboaboa mmabunu anwonyemene amukoraa noa. Maa bɛfa bɛ bɛbra Susa ahemvie mmraanu berɛ. Nana, wɔ sayɛɛ Hegae bɔ ɔnea mmrasua so ne, maa bɛfa bɛ bewura ye sa, ná maa ɔma bɛ sakyeɛ mɔ bɔ bɛkɔfa bɛkɔpopa ɔ.

Ɛseta 2:4

Nana, taluwa bɔ ye nwo kɔyɛ wɔ nyemene paa ne, maa oli hemmaa osi Wasiti gya nu.” Sɔ nzusuleɛ ne yɛle Nana Ahasuro fɛ, na ɔyɔle sɔ ala.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

1 Samuel 9:1

Né biaa Benyaminniɛ bie wɔ berɛ bɔ oli Kise. Ɔse ole Abiɛl, bɔ ɔse ole Sero, bɔ ɔse ole Bekorate, bɔ ɔse ole Afia bɔ ɔte Benyamin bosoniɛ ɔ. Né Kise sa nu le bie.