Ɛseta 2:23 - AHYERƐLƐ KRONGRON

²³ Bɛneaneane edwirɛ ne anu, na benwuni kyɛ ɔte nahorɛ nen, bɛbɔle sɔ mmienzua nyɔ ne kɔme wɔ bakaa so. Na bɛhyerɛ bewurale aberɛso dwirɛ nwomaa ne anu wɔ Nana Ahasuro nyunu berɛ.

Ɛseta 2:23 Iomraidhean Croise

Gyenesise 40:19

Kyɛ odwu ɛlɛsa ne, Faro kɔpɛ wɔ ti kofi so, na ɔkɔmaa bɛkɔfa wɔ kundunzii ne bekosinze bakaa so maa nnomaa kosuso wɔ naen bekoli.”

Gyenesise 40:22

Nakoso paanootonɛfoɛ so panyi ne de, ɔmaa behuni ye, kyɛbɔ Yosef hyirele bɛ laleɛ nemɔ abo nen.

Ɛsra 4:15

amaa ɔnate so aneanea wɔ nana mɔ dwirɛ bɔ bahyerɛ bato berɛ ne anu. Na ekonwu ye wɔ edwirɛ bɔ bahyerɛ bato berɛ ne anu kyɛ, sɔ kuro ne ɔte ɛlɔenyɛlɛfoɛ kuro bɔ ɔmma ahemvo mɔ ne mbɔtam mɔ bɛ nwo ndɔ bɛ ɔ. Ofi tetetete yeɛ kuro berɛ ama bahɔ so bayɔ maen mbanyi nwo lɔen ɔ, na ɔnate sɔ ati yeɛ wɔ mbanyi mɔ bɛbɔle sɔ kuro ne ɔ.

Ɛseta 10:2

Nana Ahasuro tumi ne ye koɛ nu anwoserɛ amukoraa, yeɛ panyi bɔ ɔbɔle Modekae maa onyane animnyam kandinga ne, ye nwo dwirɛ amukoraa, bahyerɛ ye wɔ Media ne Pɛsia ahemvo b’aberɛ so dwirɛ nwomaa ne anu.

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 6:1

Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

Ɛseta 7:10

Yiti bakaa bɔ Haman fa penane berɛ kyɛ bɛbaabɔ Modekae kɔme wɔ so ne, so yeɛ bɛbɔle Haman kɔme ɔ. Na afei Nana Ahasuro ahone tɔle nzue nu.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Yosua 8:29

Na Aye hene de, osinzele ye bakaa so maa oodwuli nɔsoa. Na eyia tɔle ne, Yosua mane Yisraelfoɛ yele ye fuin ne befili bakaa ne aso, befindini ye bɛtole kuro berɛ pambim ne anyunu, na ɔmaa bɛboaboale nyɔboɛ kure kandinga beguale ye so, bɔ ɔtɛwɔ berɛ kekesaala ye ɔ.