Ɛseta 2:21 - AHYERƐLƐ KRONGRON

²¹ Ɛlɛho bie, né Modekae te ahemvie anoa nu berɛ. Sɔ mmerɛ ne, Bigitan ne Terese, bɔ bɛte Nana Ahasuro sayɛɛ nemɔ anu nyɔ bɔ bɛwɛne Nana pumbu nu anoa nemɔ nen, bɛfɛle yaa, na bɛbɔle porɛ kyɛ bekohu Nana Ahasuro.

Ɛseta 2:21 Iomraidhean Croise

2 Samuel 16:11

Na Dawide sele Abisae ne somvoɛ ne amu kyɛ, “Sɛ me kunu ba po ɔpena me ku me a; nzaade bɔ Benyaminniɛ he ɔ́yɔ ye, ɔnyɛ nwanwa! Ɛ́mɔyakyi ye ma ɔboro amoen ne. Ebiaa AWURADE yeɛ waha wahyire ye kyɛ ɔyɔ sɔ ɔ.

1 Ahemvo 16:9

Nakoso Ela somvoɛ Simri, bɔ ɔte safohene bɔ ɔnea teaseɛnam nemɔ bue so ne, ɔbɔle Ela nwo porɛ. Ɛlɛho bie, né Ela wɔ Tisa, bɔ wano nzaa wabo paa wɔ awuro ɔ. Aasa yeɛ né ɔnea Tisa ahemvie berɛ ɔ.

2 Ahemvo 12:20

Yoase mbanyi mɔ yɛle lɔen, bɛbɔle ye nwo porɛ, na behuni ye wɔ sua bɔ bɛfrɛ ye Milo bɔ ɔwɔ Sila atee so ne anu.

2 Ahemvo 21:23

Nana Amon ye mbanyi mɔ bɔle ye nwo porɛ, na behuni Amon wɔ ye awuro.

Ɛsra 4:6

Ahasuro ahennie aberɛ so, afoɛ bɔ oli moa wɔ ye ahennie ne anu ne, pɔfoɛ nemɔ hyerɛle Yudafoɛ ne Yerusalemfoɛ nwo krataa bɛɛtoatoale bɛ.

Ɛseta 2:19

Mmerɛ bɔ bɛboaboale mmabunu nemɔ noa ye pɛen nyɔ so ne, né Modekae waatena ahemvie anoa nu berɛ.

Ɛseta 6:1

Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

Ɛseta 6:2

Benwuni kyɛ bahyerɛ ye wɔ nwomaa ne anu kyɛ, Bigitana ne Terese bɔ bɛte Nana Ahasuro sayɛɛ nemɔ anu nyɔ, bɔ bɛwɛne Nana pumbu nu anoa nemɔ, bɔ bɛbɔle Nana ti so porɛ kyɛ bekohu ye nen, Modekae yeɛ ɔtele bɛ bo ɔ.

Edwein 144:10

Wɔ yeɛ ɛma ahemvo bedi ngonim ɔ; wɔ yeɛ ɛpepɛ de wɔ somvoɛ Dawide fi ngrandɛ bɔ odi awue noa ɔ.

Daniel 2:49

Afei Daniel srɛle ɛhene ne maa ɔfale Sadrake, Mesake ne Abedinego yɛle Babilɔn maen ne anu amukoraa so neafoɛ; na Daniel de, ɔtenane Nana ahemvie berɛ.