Ɛseta 2:18 - AHYERƐLƐ KRONGRON

¹⁸ Afei Nana Ahasuro tole poen kandinga mane ye mbanyi ne ye somvoɛ amukoraa fa hyɛle Ɛseta animnyam. Ɔmaa bɛyakyili manzini toɔdidelɛ ne mmerɛ kãa, na ɔyele ye kunu hyɛle bɛ nningyein.

Ɛseta 2:18 Iomraidhean Croise

Gyenesise 29:22

Yiti Laban tole ye sa frɛle kuro berɛ ama mukoraa, na ɔtole poen.

Nehemia 8:11

Yiti Lewifoɛ nemɔ hane sɔ dwirɛ he mane mmenia ne b’ahone tɔle bɛ kunu, “Ɛ́mɔyɛ konn, ofikyɛ ɛnɛ kyẽa ye te krongron: nnɛmɔma ɛmɔ wora bɔ.”

Ɛseta 1:7

Besuli bɛ nzaa ne wɔ sikaa kɔkorɛ kulie nu, yeɛ kulie ahoroɔ mɔ nu. Na Nana Ahasuro yele ye kunu mane bɛ nzaa maa obuli bɛ so, kyɛbɔ ye anwonya te ɔ.

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Edwein Nu Dwein 3:11

O Sion mma mmrasua, ɛ́mɔfite bɛbra bɛɛnea Nana Solomon, kyɛ owura abotire bɔ ye maame fa bɔle ye wɔ kyẽa bɔ ɔfale atɔmvorɛ ne, ɔne kyẽa bɔ ye nye gyele paa ne.

Edwein Nu Dwein 5:1

Nniɛma brasua, m’atɔmvorɛ braa, mawa me turo ne anu, méboaboa me korobo ne m’ayirefona ne noa, médi me woɛ bɔ ɔwɔ ye nzasameɛ nu ɔne me woɛ ne, méno me nzaa ne me nyɔfonesue ne. Me mmango mɔ, ɛ́mɔdidi ná ɛ́mɔno, adɔfo mɔ, ɛ́mɔno ma ɛmɔ ko yi.

Mateo 22:2

“Nyameɛso ahennie ne, ɔte kyɛ ɛhene bie bɔ ɔtole atɔmvorɛ poen mane ɔwa bienzua ɔ.

Marko 6:21

Afei Herodiase sa hane Yohane. Ɔwale kyɛ né Herode odi ye krakyẽa. Ɔtole poen mane ye atitirefoɛ ne ye safohene mɔ ne Galilea mbanyi.

Luka 14:8

“Sɛ ebie to ye sa frɛ wɔ atɔmvorɛ bo a, nnɛkɔtena mbanyi bia so! Ebiaa né wato ye sa wafrɛ ebie bɔ ɔte titire tra wɔ ɔ.

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 19:9

Na osele me kyɛ. “Kyerɛ ɛhe: Bɛ bɔ bato bɛ sa bafrɛ bɛ kyɛ bɛbra Boaen Ba n’atɔmvorɛ poentolɛ bo ne, banya saleɛ.” Na osele me kyɛ, “Ɛhemɔ te Nyameɛ noa dwirɛ bɔ ɔte nahorɛ ɔ.”

1 Samuel 25:8

Wɔ de, bisa wɔ mmerandeɛ nemɔ, na bɛkɔhã bekohyire wɔ. Yiti de me mmerandeɛ nemɔ nyemene so, ofikyɛ ɛnɛ bɔ yawa ye, ɔte anigye kyẽa. Yɛsrɛ wɔ ala, nikyee biala bɔ wɔ sa kɔsõ so ne, fa ma wɔ ngoaa ne ɛwa Dawide.’ ”