Ɛseta 2:17 - AHYERƐLƐ KRONGRON

¹⁷ Na Nana Ahasuro hurole Ɛseta trale mmrasua ngaa ne amu. Ohurole ye dwirɛ, na ye nye gyele ye nwo trale mmabunu ne amu, yiti ɔfale ɛhemmaa kyerɛ ne wurale ye, na ɔfale ye sili hemmaa sili Wasiti gya nu.

Ɛseta 2:17 Iomraidhean Croise

Ɛseta 1:11

kyɛ bɛɛfa Nana hemmaa Wasiti bɛbra ye nyunu. Ɔnwa ɔsɛ kyɛ Nana hemmaa ne ɔbɔ ahennie abotire; bɔ ɔkɔma mmenia ne ye mbanyi mɔ bekonwu ye anwonyemene ɔ, ofikyɛ né ye nwo yɛ nyemene.

Ɛseta 2:16

Nana Ahasuro ahennie afoɛ bɔ ɔtɔ so nzoo ne anu, bosome buru bɔ oli Tebete ne anu yeɛ bɛfale Ɛseta bɛhɔle ye ahemvie berɛ ɔ.

Ɛseta 4:14

Ofikyɛ sɛ ɛkã wɔ noa to nu wɔ mmerɛ bɔ ɔte sɔaa nu a, mmokalɛ ne ngoalelɛ kofi neka foforɛ kɔwa kɔma Yudafoɛ, nakoso ɛne ɛse abusuafoɛ de, ɛmɔ boso konua. Nwa yeɛ ɔse ɔ? Ebiaa mmerɛ bɔ ɔte sɔaa ati yeɛ anya ɛhemmaa dibea ye ɔ.”

Ɛseta 6:8

maa bɛfa ahennie ataadeɛ bɔ awura ye le ɔ bɛbra, ɔne pɔngɔ bɔ atena ye so le ɔ, bɔ ahennie abotire bɔ ye ɔ bɛbra.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Hesekiel 17:24

Eburo mmakaa mukoraa bekonwu kyɛ me, AWURADE, me yeɛ mema bakaa tendenn yɛ tikaa, ná mesa mema bakaa tikaa yɛ tendenn ɔ; me yeɛ mema bakaa monɛ yɛ wuruwaa, ná mesa mema bakaa wuruwaa fefɛ ɔ. Me, AWURADE, me yeɛ mahã ɔ, na ngɔyɔ.”

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.