Ɛseta 2:14 - AHYERƐLƐ KRONGRON

¹⁴ Nɔsoa yeɛ ɔkɔ dɔ ɔ, na aleɛ kye ngyerɛmɔ a, osa ba mmraanu bɔ ɔtɔ so nyɔ ne anu. Bɛfa ye bewura Nana Ahasuro sayɛɛ Saasegase sa wɔ berɛ. Ye yeɛ ɔnea Nana sómaa nemɔ so ɔ. Taluwa ne onza ngɔ Nana Ahasuro dɔ ko, sana ye nye gye taluwa ne anwo. Na ɔba ye sɔ a, ɔbɔ ye dumaa maa bɛkɔfa ye bɛba.

Ɛseta 2:14 Iomraidhean Croise

Gyenesise 34:19

Na ɔnate kyɛ né aberandeɛ Sɛkem nye gye Yakob awa brasua ne nwo ne ati, wanyɛ bɛ nzusuleɛ ne nwo ngyɛkyerɛ koraa. Né Sɛkem yeɛ ɔte titire paa wɔ ye abusua nu ɔ.

Ɛseta 2:13

Sɛ odwu taluwa biala so kyɛ ɔkɔ Nana Ahasuro nyunu a, nikyee biala bɔ okuro kyɛ ɔfa siesie ye nwo ofi mmraanu berɛ ɔkɔ Nana ahemvie berɛ ne, bɛfa bɛma ye.

Ɛseta 2:15

Odwuli Ɛseta so kyɛ ɔkɔ Nana Ahasuro nyunu. Modekae bɔ ɔfale ye yɛle ɔwa ne, ye baba aliɛma bienzua Abihail ɔwa ɛne. Ɛseta anga kyɛ bɛma ye nningyein bɔ ɔfa siesie ye nwo ɔ. Nningyein bɔ Nana Ahasuro sayɛɛ Hegae, bɔ ɔnea mmrasua nemɔ so ne otuli ye foɛ kyɛ ɔfa siesie ye nwo ne, ye ala yeɛ ɔfale ɔ. Na ebiala bɔ ye nye bɔle Ɛseta so ne, ye nwo yɛle ye nyemene.

Ɛseta 4:11

“Nana somvoɛ amukoraa, yeɛ ye manzini nemɔ nu ama bɛse kyɛ, sɛ Nana wando ye sa wamvrɛ wɔ, ná ɛkɔ ye nyunu wɔ ahemvie ne akunu dɔ a, kyɛ bienzua oo, anaa brasua oo, ye nwo mmeraa te komapɛ, bekohu sɔ sona ne. Sana sona bɔ Nana konwu ye anwumvoin kɔfa ye sikaa kɔkorɛ hɔtɔ kɔtengyɛ ye so ne, ye yeɛ okonya ye ti okodidi nu ɔ. Eleburasa ɛhe, ɔffrɛle me kyɛ mmra ye nyunu.”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 45:4

Me somvoɛ Yakob ne Yisrael bɔ maneanea nu maye ye ne ati yeɛ mabɔ wɔ dumaa mafrɛ wɔ ɔ; na mabɔ wɔ abodin, ɔwɔ nu kyɛ ɛnze me de.

Deuteronomi 21:14

Na nziɛ ye, sɛ wɔ nye ngye ye nwo ko a, maa ɔfa ye nwo li tɔtorɔtɔɔ ɔhɔ nekaa biala bɔ okuro ɔ. Nakoso nnɛyɛ ye atɔen de sikaa, yeɛ nnɛyɛ ye kyɛ ɔte afaneɛ, ofikyɛ afa wɔ nwo aha ye.