Ɛseta 2:10 - AHYERƐLƐ KRONGRON

¹⁰ Ɛseta anna ye maen anaa ye abusua ali wangyire ebiala, ofikyɛ né Modekae abɔ ye noa kyɛ nnɛmaa ɔka.

Ɛseta 2:10 Iomraidhean Croise

Ɛseta 2:11

Alehyeleɛ biala, né ɔyɛ a Modekae di mmraanu anyunu berɛ akɔneaba ɔnea kyɛbɔ Ɛseta nwo si te ɔ, ɔne sɛ ebiaa edwirɛ bie ato ye a.

Ɛseta 2:20

Né Ɛseta ɔllale ye abusua anaa ye maen ali, kyɛbɔ Modekae bɔle ye noa ne ala, ofikyɛ Ɛseta lili Modekae dwirɛ so, kyɛbɔ ɔyɔle ye mmerɛ bɔ né ɔtete ye ne ala.

Ɛseta 2:7

Modekae yeɛ ɔtetele ye baba aliɛma awa brasua Hadasa bɔ osa li Ɛseta ne ɔ, ofikyɛ né sɔ taluwa ne olle niɛ ne seɛ. Né anwonyemene abia ye. Oni ne ɔse bewuli ne yeɛ Modekae fale ye yɛle ɔwa ɔ.

Ɛseta 3:8

Yeɛ Haman sele Nana Ahasuro kyɛ, “Manzini amukoraa bɔ bɛwɔ w’ahennie ye anu ye, nu mmenia ne, bɛ nu biemɔ wɔ nu bɔ bɛwɔ manzini nemɔ nu nekaa biala, bɔ bɛ suban te sonongo ɔ. Asora bɛ mmeraa, yeɛ asora mmenia ngaa nemɔ koso bɛ deɛ. Nana, benni wɔ mmeraa so. Nana, ɔtte mayee kyɛ ɛkɔyakyi bɛ maa bɛkɔyɔ sɔ ɔ.

Ɛseta 7:4

Ofikyɛ bayɛ me ne me mmenia atɔen kyɛ beli yɛ awue, behũ yɛ, ná benua yɛ boso. Na sɛ bɛtɔnene yɛ maa yɛyɛle ngoaa ne afaneɛ mɔ po a, ahaa mengɔtɛ me noa nu, ofikyɛ ahaa ye nwo ngohia kyɛ ngɔfa sɔ dwirɛ kaaba he ngɔha Nana adwene ɔ.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Ɛfesofoɛ 6:1

Mmaa, ɛ́mɔtie ɛmɔ awofoɛ dwirɛ wɔ Awurade nu, ofikyɛ sɔ yeɛ ɔte paa ɔ.

Rutu 3:6

Yiti Rutu hɔle nekaa bɔ bɛboro ayuo ne, na ɔɔyɔle kyɛbɔ ye sia hyirele ye ne ala.