Ɛseta 10:3 - AHYERƐLƐ KRONGRON

³ Na Yudaniɛ Modekae ye dibea ne, sɛ né Nana Ahasuro nne berɛ a, ye yeɛ ɔwɔ berɛ ɔ. Onyane animnyam wɔ Yudafoɛ nyunu, na ye mmango Yudafoɛ hurole ye dwirɛ, ofikyɛ né ɔpena ye mmenia paa, na ɔfale ye boso ama bɛ yeeyɛlɛ nwo dwirɛ tole ye nwo so, na ɔhane asomdwee dwirɛ hyirele ye mmenia amukoraa.

Ɛseta 10:3 Iomraidhean Croise

Gyenesise 41:40

Wɔ yeɛ ɛkɔnea nikyee biala so wɔ m’ahemvie wa ɔ, na wɔ noa dwirɛ yeɛ me mmenia amukoraa koli so ɔ, sana bia bɔ nde so ye ala yeɛ ngɔfa ngɔtra wɔ ɔ.”

Gyenesise 45:10

Ɛkɔɔtena Gosen mbɔtam, ɛkɔtena kopingye me, ɛne wɔ mma ne wɔ nnomaa mɔ, ɔne wɔ mmoaen ne wɔ nandwie mɔ, ɔne wɔ nningyein amukoraa.

Gyenesise 45:11

Mengɔma hwee ngohia wɔ wɔ berɛ, ofikyɛ ɛhɔen piri ne, waha afoɛ nnu. Anyɔ a, ɛne w’awuro ama, ɔne bɔ ele ye amukoraa nwo kɔhyere bɛ.”

2 Aberɛso Dwirɛ 28:7

Na Efraimniɛ anwoserɛniɛ bie bɔ bɛfrɛ ye Sikri, ohuni Nana Ahase awa bienzua Maaseya, ahemvie safohene Asrikam ne Ɛlkana bɔ Ahase ɔnne berɛ a, ye yeɛ ɔwɔ berɛ ɔ ne.

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Ɛseta 2:5

Né Yudaniɛ bie wɔ Susa ahenguro berɛ. Ɔte Benyaminniɛ bɔ ye dumaa li Modekae. Ɔse ole Yari bɔ ofi Simei abusua nu, bɔ ye koso ofi Kise abusua nu ne.

Ɛseta 3:2

Nana Ahasuro somvoɛ amukoraa bɔ bɛwɔ ahemvie anoa nu berɛ ne, né ɔyɛ a bɛkoto Haman bɛfa anidie bɛma ye, ofikyɛ né Nana Ahasuro ahyɛ kyɛ bɛyɔ sɔ bɛma ye. Nakoso Modekae de, wangoto ye, yeɛ wammɔ ye ti ase wamma ye.

Daniel 5:16

Nakoso mate kyɛ wɔ de, ɛkora kyire edwirɛ bo, yeɛ ekyirekyire edwirɛ bɔ ɔkye adwene ɔ koso nu. Sɛ ɛkora kenga ahyerɛlɛ ne, ná ekyire me ye bo a, ngɔfa kende ngɔhera wɔ, yeɛ ngɔfa sikaa kɔkorɛ atweaban ngɔto wɔ kɔme anu, na ɛkɔyɛ ɛhene bɔ ye tumi tɔ so nza ɔ wɔ ahennie ye anu.”

Daniel 5:29

Yeɛ Bɛlsasa hyɛle maa bɛfale kende bɛherale Daniel, bɛfale sikaa kɔkorɛ atweaban bɛtole ye kɔme anu, na bɛbɔle ye nwo dawure kyɛ, ye yeɛ ɔte ɛhene bɔ ye tumi tɔ so nza wɔ ahennie ne anu ɔ.

Daniel 6:3

Na Daniel he, ɔyɔle adwuma sonongo trale mbanyi so neafoɛ nemɔ ne mbɔtam mbanyi nemɔ, ofikyɛ né sunzum sonongo wɔ ye nu. Na ɛhene ne yɛle ye adwene kyɛ ɔkɔmaa ɔkɔnea ye ahennie ne amukoraa so.

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

Romanfoɛ 14:18

Na sona bɔ ɔso Kristo wɔ atee sɔ ne aso ne, ɔsɔ Nyameɛ nye, na mmenia bu ye.

1 Samuel 18:16

Nakoso Yisrael amukoraa ne Yuda amukoraa hurole Dawide dwirɛ, ofikyɛ né ye yeɛ odi bɛ nyunu ɔfa bɛ kɔ koɛ ɔ.

1 Samuel 23:17

Ɔha hyirele ye kyɛ, “Nnɛsuro, ofikyɛ me baba Sɔɔlo ye sa ngɔhã wɔ. Ekoli Yisrael so hene, bɔ yeɛ ɛnne berɛ a, me yeɛ nwɔ berɛ ɔ; na me baba Sɔɔlo se ye sɔ.”