Ɛseta 1:6 - AHYERƐLƐ KRONGRON

⁶ Bɛfale mbɛmuɛ tena fufue ne bibire, bɔ nwera ne koogyan sinzesinze so, bɔ ɛdwetɛ ngaa ne nyɔboɛ fufue sosɔ bɛ noa ɔ yeɛ besiesiele berɛ. Né mba bɔ bafa sikaa kɔkorɛ ne ɛdwetɛ baboro bɛ nwo ɔ gyigyi berɛ. Aseɛ bɔ mba nemɔ gyigyi so ne, né bafa nyɔboɛ kɔkorɛ ne nyɔboɛ fufue ne nyɔboɛ hyɛnn ne nyɔboɛ hyɛnhyɛnn yeɛ basiesie berɛ.

Ɛseta 1:6 Iomraidhean Croise

Ɛseta 7:8

Mmerɛ bɔ Nana Ahasuro fili ahemvie turo ne anu sa wale ɛpoentolɛ ne abo nen, né Haman ato ye nwo waatɔ nnamu bɔ Ɛseta la nu ne aso, na Nana Ahasuro sele kyɛ, “Eh, me nyunu wa po, wɔ m’awuro wa, yeɛ ɛbaato Nana hemmaa mmɔnaa ye!” Na Nana Ahasuro noa ambe, yeɛ bɛkyekyele Haman nye ɔ.

Ɛseta 8:15

Afei Modekae fili Nana Ahasuro berɛ fitele. Né owura ahemvo ataadeɛ bɔ ɔte bibire ne fufue, nwera ne koogyan aguasoɛ, na né ɔbɔ sikaa kɔkorɛ abotire. Na Susa kuro berɛ ama bɔle ese belili ahurusi.

Ɛksadɔso 26:1

“Na nyianu sua ne de, fa mbɛmuɛ tena buru, bɔ bafa nwera, bibire, koogyan ne adaabene banwo ɔ si. Ma adwiililɛniɛ ɔnwo kɛrubim ndiamuɛ gua nu.

Hesekiel 23:41

ɛtenane mba nyemenenyemene so, ɛfale poen siele mba ne nyunu berɛ, na ɛfale m’ayirefona ne me ngoo siesiele so.

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Amose 3:12

Bɔ AWURADE kã hɔ ɛhe: “Kyɛbɔ mmoaenneafoɛ ɔpepɛ de agyirɛ nyɔ anaa asoɛ bue fi gyata noa nu ne, sɔ ala yeɛ bɛkɔpepɛ bekole Yisraelfoɛ bɔ bɛtete Samaria wɔ mba ndweasoɛ so ne bɛen bue so ɔ.

Amose 6:4

“Ɛmɔ yaakɔ! Ɛmɔ bɔ ɛmɔla mba bɔ bafa ɛsoen gye bayɔ ɔ so, bɔ ɛmɔtwe ɛmɔ nu wɔ ɛmɔ bɛen so, bɔ ɛmɔku mmoaen kure ne anu mmoaen akrɔngrɔma mɔ, ɔne tuin ne anu nandwie akrɔngrɔma mɔ bedi ɔ;

1 Samuel 28:23

Sɔɔlo ambene, na ɔhane kyɛ, “Mengoli.” Nakoso ye somvoɛ nemɔ ne braa ne hɔle so srɛle ye, na ɔpenene bɛ dwirɛ ne aso. Yiti odwɔsole fili aseɛnwo berɛ tenane mba ne aso.