Ɛseta 1:4 - AHYERƐLƐ KRONGRON

⁴ Ye anwonya worawora bɔ ɔwɔ ye ahennie nu, ye ahennie ne ye nyemene, ɔne ye animnyam ne, ɔfale ngyẽa pee, ngyẽa ɛyaa ko aburawɔtwɛ yeɛ ɔlale ye ali hyirele ɔ.

Ɛseta 1:4 Iomraidhean Croise

1 Aberɛso Dwirɛ 29:25

AWURADE mane Solomon nyane animnyam wɔ Yisrael maen amukoraati bɛ nyunu, na ɔmane ye ahennie nu animnyam bɔ ɛhene biala onnyane bie le wɔ Yisrael ɔ.

Ɛseta 1:3

Olili bia ne, ye afoɛ nza ne anu, ɔtole poen mane ye mbanyi ne ye somvoɛ amukoraa. Ɔtole ye sa frɛle Pɛsia ne Media safohene mɔ, atitirefoɛ ne manzini amrado mɔ maa bɛwale ye bo bie.

Ɛseta 1:5

Sɔ ngyẽa ne wale ayieleɛ ne, Nana Ahasuro tole poen mane ebiala bɔ ɔwɔ Susa ahemvie berɛ, atitirefoɛ ne kwahweabaa mɔ. Ɛpoentolɛ ne hɔle so ɛlɛsoo wɔ Nana Ahasuro ahemvie n’anyunu berɛ turo ne anu.

YOB NWOMAA NE 40:10

Nzaade fa ahennie ne anidie siesie wɔ nwo e! Nzaade fa animnyam ne nyemene kera e!

Edwein 145:5

W’ahennie animnyam bɔ ɔta hyireinn ne w’anwanwadeɛ nemɔ, bɛ yeɛ medwenedwene bɛ nwo ɔ.

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Edwein 45:3

Ao Tuminiɛ, fa wɔ ngrandɛ wura bɔha nu si wɔ taku so, wɔ w’animnyam ne w’ahennie nu animnyam ne anu.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Yesaya 39:2

Hesekia lele ɛbɔfoɛ nemɔ nyemene so, na ye sua bɔ osie nningyein hemɔ amukoraa nu ne, obukye maa bɛneane nu: ɛdwetɛ, esikaa kɔkorɛ, ayirefona ne ngoo paa; ye koɛhonɛ nningyein amukoraa sua, yeɛ nningyein amukoraa bɔ bɛwɔ ye sua mɔ bɔ osie nningyein nu ne koso, obukyebukye hyirele bɛ. Na nikye fee nne Hesekia ahemvie berɛ anaa ye ahennie ne anu amukoraa bɔ wamva wangyire bɛ ɔ.

Hesekiel 28:5

Wɔ dwaalilɛ nu nworɛ piri ne, ɛnate so ama w’anwonya asone pee, na w’anwonya ne ama anwomasoɛ awa wɔ nu.

Daniel 4:30

na osele kyɛ, “Babilɔn yeɛ wayɛ piri sɔa e! Aso nna me tumi piri yeɛ mafa makyekye kuro ye maa wayɛ m’ahenguro, bɔ mefa meye m’ahennie animnyam ali ɔ?”

Daniel 4:36

Na sɔ mmerɛ ne ala, m’adwene sa yɛle paa, na kyɛbɔ ɔkɔyɛ bɔ m’ahennie ne konya animnyam ne ati, m’animnyam ne m’anwonyemene sa yɛle me deɛ. Me foɛtulɛfoɛ ne me mbanyi mɔ bɛɛpenane me boso, besa bɛfale me besiele m’ahennie bia so, na bɛfale tumi bɔ ɔtra daa deɛ ne ɔ bewurale me sa.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Mateo 4:8

Yeɛ abɔnzam fale ye bieku hɔle bokaa tendenn bie aso, na ohyirele ye ewiase ahennie amukoraa ne nu animnyam;

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”