Ɛseta 1:16 - AHYERƐLƐ KRONGRON

¹⁶ Yeɛ Memukan mane Nana Ahasuro ne mbanyi nemɔ mmuayɛɛ wɔ bɛ nyunu berɛ kyɛ, “Nna Nana Ahasuro angome yeɛ Nana hemmaa Wasiti wayɔ ye tɛɛ ɔ, na mmom wayɔ mbanyi ne amukoraa tɛɛ, ɔne mmenia amukoraa bɔ bɛwɔ Nana Ahasuro manzini amukoraa nu koso tɛɛ.

Ɛseta 1:16 Iomraidhean Croise

Ɛsra 4:6

Ahasuro ahennie aberɛ so, afoɛ bɔ oli moa wɔ ye ahennie ne anu ne, pɔfoɛ nemɔ hyerɛle Yudafoɛ ne Yerusalemfoɛ nwo krataa bɛɛtoatoale bɛ.

Ɛseta 1:15

Na Nana Ahasuro bisale bɛ kyɛ, “Nzomane me sayɛɛ nemɔ kyɛ bɛɛhã behyire Nana hemmaa Wasiti ma ɔbra, nakoso wandɛ me so. Sɛ yɛnea yɛ mmeraa ne anu a, nzikyɛ asohwenɛ yeɛ odi kyɛ yɛfa yɛma ye ɔ?”

Ɛseta 1:17

Mmrasua mukoraa bɛkɔte Nana hemmaa yɔleɛ tɛɛ he, na ɔnate so bengobu bɛ hu mɔ. Ofikyɛ bɛkɔhã kyɛ, ‘Nana Ahasuro po hane kyɛ bɛɛfa Nana hemmaa Wasiti ma ɔbra ye nyunu, nakoso Nana hemmaa andɛ ye so.’

Asomafoɛ 18:14

Na Pɔɔlo yɛle kyɛ ɔye ye noa pɛ yeɛ Galio sele Yudafoɛ ne kyɛ, “O Yudafoɛ, sɛ ɔyɛle nzɛmmɔnelilɛ anaakyɛ awuelilɛ dwirɛ bie de a, ahaa ngotie ɛmɔ.

Asomafoɛ 25:10

Na Pɔɔlo buale ye kyɛ, “Ngyi Kaesare bɔbɔ deinn ye kɔɔto, na ɛwa yeɛ ɔsɛ kyɛ bedi me dwirɛ ɔ. Na kyɛbɔ wɔ bɔbɔ ɛse ne, nnyɔle Yudafoɛ bɔne biala.