Ɛseta 1:14 - AHYERƐLƐ KRONGRON

¹⁴ Bɛ bɔ ɔyɛ a Nana Ahasuro ɔne bɛ betu asure paa ole Kasena, Seta, Adimata, Tasise, Merese, Masena ne Memukan. Bɛ yeɛ bɛte mbanyi nzoo bɔ bɛwɔ Pɛsia ne Media bɔ né bɛtaa bɛ ne Nana Ahasuro bedi ngitahoɛ ɔ, na bɛ yeɛ betira ahennie ne anu dibea piri paa ɔ.)

Ɛseta 1:14 Iomraidhean Croise

2 Ahemvo 25:19

Osa hyele ɛhemɔ koso nnure fili Yerusalem: safohene ko bɔ né ɔnea Yuda koɛhonɛfoɛ nemɔ aso ne, Nana Sedekia foɛtulɛfoɛ nemɔ anu nnu bɔ onwuni bɛ wɔ kuro berɛ ɔ, safohene bɔ ɔte ahyerɛlɛniɛ bɔ ɔboaboa maen ne anu koɛhonɛfoɛ nemɔ anoa, yeɛ maen ne anu mmenia aburasia bɔ onwuni bɛ wɔ kuro berɛ ɔ.

Ɛsra 7:14

Ofikyɛ me Atasɛsɛse, me ne me foɛtulɛfoɛ nzoo nemɔ yeɛ yasoma wɔ ɔ, kyɛ kɔ Yuda ne Yerusalem kɔtoto nningyein yé, kyɛbɔ wɔ Nyameɛ mmeraa bɔ otira wɔ sa nu ne okyire ne.

Ɛseta 1:15

Na Nana Ahasuro bisale bɛ kyɛ, “Nzomane me sayɛɛ nemɔ kyɛ bɛɛhã behyire Nana hemmaa Wasiti ma ɔbra, nakoso wandɛ me so. Sɛ yɛnea yɛ mmeraa ne anu a, nzikyɛ asohwenɛ yeɛ odi kyɛ yɛfa yɛma ye ɔ?”

Yeremia 52:25

Osa hyele ɛhemɔ nnure fili kuro ne anu: panyi ko bɔ né ɔnea koɛhonɛfoɛ nemɔ aso ne, Nana (Sedekia) foɛtulɛfoɛ nemɔ anu nzoo bɔ onwuni bɛ wɔ kuro berɛ ne, koɛhonɛfoɛ nemɔ so safohene n’ahyerɛlɛniɛ bɔ ɔboaboa maen ne anu koɛhonɛfoɛ nemɔ noa, yeɛ maen ne anu mmenia aburasia bɔ onwuni bɛ wɔ kuro berɛ ne.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Nyekyire 22:4

Bekonwu ye nyunu, na ye dumaa kɔbobɔ bɛ nwoma so.