Ɛseta 1:13 - AHYERƐLƐ KRONGRON

¹³ Yeɛ Nana Ahasuro susuli ye nwo hyirele ye nworɛfoɛ bɔ bɛse maen nhyehyɛleɛ ne, (ofikyɛ mmenia amukoraa bɔ bɛse mmeraa ne amammerɛ ne, né ɔyɛ a Nana Ahasuro susu ye dwirɛ nwo kyire bɛ ɔfa tie b’adwene.

Ɛseta 1:13 Iomraidhean Croise

1 Aberɛso Dwirɛ 12:32

Yisakafoɛ ne, bele mbanyi ɛyaa nyɔ bɔ bɛnea bɛ mmusuafoɛ so ɔ. Sɔ mbanyi nemɔ, bɛ yeɛ bɛte nningyein bɔ ɔkɔ so ne abo, na afei bɛse bɔ ɔsɛ kyɛ Yisrael bɛyɔ ɔ.

1 Aberɛso Dwirɛ 12:33

Sebulɔnfoɛ ne, bele koɛhonɛfoɛ nimdeɛfoɛ apee aburannu bɔ bafa akodeɛ ahoroɔ amukoraa baboaboa bɛ nwo kyɛ bɛkɔ koɛ ɔ. Bɛ mu bɛyɛle b’adwene ko kyɛ bɛboka Dawide.

Ɛseta 1:12

Sayɛɛ nemɔ fale Nana Ahasuro ngraa ne bɛɛmane Nana hemmaa Wasiti, nakoso wamma. Ye sɔ ati, Nana Ahasuro ahone huli, na ɔfɛle yaa hahii.

Yeremia 10:7

Ao maen maen mɔ Hene, nwa yeɛ onzuro wɔ ɔ? Ofikyɛ wɔ yeɛ ɛhe fata wɔ ɔ. Amaenmaenso nworɛfoɛ amukoraa nu, yeɛ b’ahennie amukoraa nu, ebiala nne berɛ bɔ ɔte kyɛ wɔ ɔ.

Daniel 2:12

Na ɔnate sɔ ati, Nana fɛle yaa, na ye nye borole, na ɔhyɛle kyɛ behũhũ Babilɔn nworɛfoɛ amukoraa.

Daniel 2:2

Na Nana Nebukadenesa hyɛle kyɛ bɛɛfa ngonyaayelɛfoɛ, bɛ bɔ bɛnea nzramaa nu bɛkã nu dwirɛ, musueyelɛfoɛ ne Kaldeafoɛ ma bɛbra beehyire ye laleɛ nemɔ abo. Yiti bɛwale beegyinane Nana nyunu.

Daniel 2:27

Yeɛ Daniel buale wɔ Nana nyunu berɛ kyɛ, “Nana, mvealeɛ nu dwirɛ bɔ abisa ye, nworɛfoɛ, bɛ bɔ bɛnea nzramaa nu bɛkã nu dwirɛ, ngonyaayelɛfoɛ anaa benewaafoɛ biala ngɔhora ngohyire wɔ ye bo;

Daniel 5:7

Na ɛhene ne teane nu sele kyɛ bɛɛfa bɛ bɔ bɛnea nzramaa nu bɛkã nu dwirɛ, Kaldeafoɛ ne benewaafoɛ bɛbra. Yeɛ ɛhene ne sele Babilɔn nworɛfoɛ nemɔ kyɛ, “Ebiala bɔ ɔkɔkenga sɔ ahyerɛlɛ he, ná okohyire me ye bo nen, ngɔfa kende ngɔhera ye, yeɛ ngɔfa sikaa kɔkorɛ atweaban ngɔto ye kɔme anu, na ɔkɔyɛ ɛhene bɔ ye tumi tɔ so nza ɔ wɔ ahennie ye anu ɔ.”

Mateo 16:3

Na ngyerɛmɔ de, ɛmɔnwa: ‘Mvrama kotu ɛnɛ, ofikyɛ ewienu ayɛ kɔɔ ne kusuu.’ Ɛmɔse kyɛbɔ besi bekyire ewienu dwirɛ bo ɔ, nakoso mmerɛ ne nwo nzɛngyerɛnneɛ de, ɛmɔngora nu kyire.]

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,