Ɛseta 1:10 - AHYERƐLƐ KRONGRON

¹⁰ Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Ɛseta 1:10 Iomraidhean Croise

Gyenesise 43:34

Bɛfale aleɛ ne bie befili Yosef poen ne aso bɛbrɛle bɛ, nakoso Benyamin de, né ye deɛ te bɛ ngaa ne deɛ mmɔhoɛ nnu. Yiti bɛnone nzaa, na bɛ ne Yosef bɛ mukoraa bɛ nye gyele.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

Ɛseta 1:9

Na Nana hemmaa Wasiti koso tole poen mane mmrasua mɔ wɔ Nana Ahasuro ahemvie berɛ.

Ɛseta 3:15

Kyɛbɔ Nana Ahasuro hyɛle mmeraa nen, ɛbɔfoɛ nemɔ hane bɛ nwo bɛhɔle ndɛndɛ; yeɛ mmeraa nemɔ koso bɛbɔle ye nwo dawure wɔ Susa ahenguro. Afei Nana Ahasuro ne Haman bɛtenane ase bɛnone nzaa, wɔ aberɛ bɔ né Susa kuro ne anu ama bɛ nwo adwiri bɛ ɔ.

Ɛseta 7:9

Yeɛ Nana sayɛɛ nemɔ nu ko bɔ oli Habona ne sele kyɛ, “Modekae bɔ ye noa dwirɛ yeɛ olele Nana ngoa ne, bakaa bɔ Haman fa penane berɛ kyɛ bɛkɔbɔ Modekae kɔme wɔ so ne, ye yeɛ ɔpena Haman awuro dɔ ne. Ye tendenn te agyirɛ aburannu.” Na Nana Ahasuro sele kyɛ, “Ɛmɔɔbɔ ye kɔme wɔ so!”

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Anyandera 31:4

O Lemuel, ɔtte mayee mma ahemvo mɔ kyɛ bɛkɔno nzaa ɔ, ɔtte mayee mma ahemvo mɔ; anaa maenbulɛfoɛ kyɛ bekohuro nzaa serɛ ɔ;

Nworɛ Dwirɛhanɛniɛ 10:19

Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Maenbulɛfoɛ 16:25

Na mmerɛ bɔ bɛ nye gyele paa ne, bɛhane kyɛ, “Ɛ́mɔfrɛ Samson maa ɔgyegye yɛ nye.” Yiti bɛɛfale Samson befili kuku nu bɛwale, ná ɔgyegyele bɛ nye. Bɛmane Samson ogyinane bonima nemɔ b’afia;

Maenbulɛfoɛ 19:6

Yiti mmienzua nyɔ nemɔ tenane poen nwo bedidili bɛnone, na taluwa ne baba sele Lewiniɛ ne kyɛ, “Nzu ati yeɛ ɛnna wa ɛnɛ ná ɛmma wɔ nye ngye ɔ?”

Rutu 3:7

Boase didili ná ɔnone nzaa yiele bɔ ye nye agye ne, ɔɔlale atokoɔ kure ne anwo. Yeɛ Rutu yɛle kudɛɛ ɔɔyele Boase gya nwo tena ne, na ɔlale berɛ.