Ɛfesofoɛ 6:9 - AHYERƐLƐ KRONGRON

⁹ Meneɛ mɔ, ɛmɔ koso ɛ́mɔyɛ bɛ sɔ ala, nnɛma ɛmɔyɛ bɛ so ahupoo; ofikyɛ ɛmɔse kyɛ bɔ ɔte ɛmɔ ne bɛ Meneɛ ne ɔwɔ nyameɛso, bɔ ye de, ɔnyɛ mmenia nu nyeyemuɛ ɔ.

Ɛfesofoɛ 6:9 Iomraidhean Croise

Nehemia 5:5

Yɛne y’eliɛma Yudafoɛ ne, yɛ mukoraa yɛte sona ko. Yɛ mma te kyɛ bɛ mma deɛ mɔ ala. Nakoso yɛhyɛ yɛ mma mmienzua ne yɛ mma mmrasua mɔ maa bɛyɛ nganga, na yɛ mma mmrasua nemɔ bie de yali moa yatɔne bɛ. Yɛyɔ ye nwo hwee a ɔnyɛ ye, yeɛ y’aseɛ ne yɛ bobe boo mɔ ayɛ ebiemɔ deɛ.”

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Edwein 140:12

Mese kyɛ AWURADE di bɛ bɔ bɛyɛ anwumvo ɔ bɛ dwirɛ ma bɛ, na obua ndɛen turoloo ma ehiafoɛ.

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 3:6

Na ebiala bɔ wammutu berɛ wanzɔne ye ne, sɔ mmerɛ ne ala odi kyɛ befindi ye bɛto see bɔ ogye wuronyiwuronyi wɔ foonoo nu ne anu.”

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 22:10

Na sɔ somvoɛ nemɔ besili nu bɛhɔle dwaa nemɔ aso bɛɛboaboale mmenia bɔ benwuni bɛ amukoraa noa, bɔne mmenia ne mmeni paa; na mmenia beeyili atɔmvorɛ sua ne anu tɛkyɛ.

Mateo 22:8

Afei osele ye somvoɛ mɔ kyɛ, ‘Basiesie atɔmvorɛ ne bayie de, nakoso bɛ bɔ ndole me sa mvrɛle bɛ ne, bɛmvata.

Mateo 24:48

Nakoso sɛ akoaa bɔnefoɛ ne de, ɔkã ye wɔ ye ti anu kyɛ, ‘Me mene kɔhyɛ koraka ná wawa,’

Mateo 24:51

na ɔkɔpepɛ akoaa ne nu ahuronzi ahuronzi, ná wamaa wanya nyaatwomfoɛ bɛ kyɛfa ne bie; na berɛ yeɛ mmenia kosũ ná banwose bɛ gye ɔ.

Mateo 7:12

Yiti nikyee biala bɔ ɛmɔpena kyɛ mmenia yɔ ma ɛmɔ ne, ɛmɔ koso ɛ́mɔyɔ sɔ ala bɛ́ma bɛ; ofikyɛ porɛ bɔ mmeraa ne ne ngɔmhyɛlɛfoɛ nemɔ gyi so hɔ ɛne.

Luka 6:31

Na bɔ ɛmɔkuro kyɛ mmenia bɛfa bɛyɛ ɛmɔ ne, sɔ ala yeɛ ɛ́mɔyɛ bɛ ɔ.

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Asomafoɛ 10:34

Na Petro sele kyɛ, “Nahorɛ nu, manwu kyɛ Nyameɛ nyɛ nyeyemuɛ,

Romanfoɛ 2:11

Ofikyɛ Nyameɛ nnea sona nyunu mmua ndɛen.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 7:22

Ofikyɛ ebiala bɔ né ɔte akoaa koraka yeɛ Awurade frɛle ye ne, wayɛ Awurade dehyeɛ. Sɔ ala yeɛ ebiala bɔ né ɔte dehyeɛ koraka yeɛ bɛfrɛle ye ne, wayɛ Kristo akoaa ɔ.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

Kolosefoɛ 3:25

Nakoso sona bɔ ɔyɔ bɔne ne, okonya bɔne bɔ ɔyɔ ne nwo akatuaa, ofikyɛ Nyameɛ nyɛ sona nu nyeyemuɛ

Kolosefoɛ 4:1

Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Yakobo 2:8

Yiti sɛ ɛmɔdi dehyeɛ mmeraa ne aso nahorɛ nu, kyɛbɔ Ahyerɛlɛ ne kã kyɛ, “Kuro ebiɛngo dwirɛ kyɛ wɔ bɔbɔ wɔ nwo” ne a, ye de né ɛmɔayɛ nikye.

Yakobo 5:4

Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

1 Samuel 15:17

Na Samuel sele kyɛ, “Ɔwɔ nu kyɛ ebu wɔ nwo kyɛ ɛte kwahweabaa bie de, nakoso aso nna wɔ yeɛ ɛla Yisrael mmusua kure nemɔ noa ɔ? AWURADE popale wɔ ngoo fale wɔ lili Yisrael so hene;