Ɛfesofoɛ 6:4 - AHYERƐLƐ KRONGRON

⁴ Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

Ɛfesofoɛ 6:4 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

1 Aberɛso Dwirɛ 28:20

Dawide toale so sele ɔwa Solomon kyɛ, “Gyina pindinn, ma wɔ hue yɛ se, ná yɔ adwuma ne. Nnɛsuro, yeɛ nnɛma wɔ kunu tete wɔ, ofikyɛ AWURADE Nyameɛ, bɔ ɔte me Nyameɛ ne, ogyi wɔ si. Ongoli wɔ ngasi, yeɛ ɔngɔyakyi wɔ nu, kɔpem kyɛ AWURADE awuro adwuma bɔ bɛfa bɛso ye ne, bekoyie ye mukoraa yɔ ɔ.

1 Aberɛso Dwirɛ 29:19

Ma mma Solomon onya adwene paa bɔ ɔkɔfa kɔyɛ sotie kɔma wɔ mmeraa dwirɛ, wɔ noa dwirɛ ne w’ahyɛdeɛ, ná okoli bɛ mukoraa so, amaa wasi asɔneyɛɛ sua bɔ mapena ye nwo nningyein magua berɛ ne.”

Anyandera 19:18

Tea ɛwa wɔ mmerɛ bɔ anyelasoɛ wɔ berɛ ɔ, nnɛfa wɔ nye sie ye so kyɛ ɛkɔmaa ɔkɔhɔ ɛsɛkyelɛ nu.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Anyandera 22:6

Tete akwadaa ma onwu atee paa bɔ odi kyɛ ɔfa so ɔ, amaa sɛ onyi a wamvi so.

Anyandera 29:15

Mbire ne bɛ nyunu hanɛ ma nworɛ, nakoso baa bɔ bato ye asaworam ne de, ɔtwetwe animguaseɛ brɛ oni.

Anyandera 29:17

Tea ɛwa, na ɔkɔma wɔ so anu kɔtɔ wɔ, amba, ɔkɔma wɔ nye kɔgye.

Yesaya 38:19

Ateasefoɛ, ateasefoɛ yeɛ bɛda wɔ ase ɔ, kyɛbɔ ɛnɛ meda wɔ ase ye; baba yeɛ okyire mmaa wɔ nahorɛlilɛ ne ɔ.

Ɛfesofoɛ 6:3

“amaa wayie wɔ yé, ná anyi ahyɛ wɔ aseɛ ye aso.”

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Deuteronomi 6:7

Fa kyirekyire wɔ mma mɔ paa. Na sɛ ɛte w’awuro oo, ɛnate atee so oo, ɛda oo, anaakyɛ edwɔso oo, ɔsɛ kyɛ edi ye nwo ngɔmɔ.

Kolosefoɛ 3:21

Seɛ mɔ, nnɛma ɛmɔhyɛ ɛmɔ mma mɔ anyeborolɛ, ná b’abasanu ammu.

2 Timoteo 1:5

Na ɔmaa mekaye wɔ nahorɛ gyidie ne, gyidie bɔ wɔ nana Loyese ne wɔ maame Yunise belili moa benyane ye ne, na mede medi kyɛ wɔ koso ele bie.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Maenbulɛfoɛ 13:12

Yeɛ Manoa bisale kyɛ, “Sɛ wɔ dwirɛ ne ba nu a, nzikyɛ nhyehyɛleɛ yeɛ ɔfa akwadaa ne anwo ɔ? Nzikyɛ yeɛ odi kyɛ ɔyɔ ɔ?