Ɛfesofoɛ 6:3 - AHYERƐLƐ KRONGRON

³ “amaa wayie wɔ yé, ná anyi ahyɛ wɔ aseɛ ye aso.”

Ɛfesofoɛ 6:3 Iomraidhean Croise

Yesaya 3:10

Ɛmɔhã behyire teneneefoɛ kyɛ okoyie bɛ yé, ofikyɛ bɛ sa kɔhã bɛ yɔleɛ paa nwo akatuaa.

Yeremia 35:7

onni kyɛ ɛmɔsi sua anaa ɛmɔdua nikyee anaa ɛmɔyɛ bobe boo, yeɛ onni kyɛ ɛmɔnya nu biala, na mmom odi kyɛ ɛmɔtena ɛtena sua nu ɛmɔ ngoa amukoraa, amaa ɔnate so ɛmɔatena ase bahyɛ wɔ aseɛ bɔ ɛmɔayɛ ɛwɔfoɛ wɔ so ne aso.’

Yeremia 42:6

Kyɛ ɔte paa oo, kyɛ ɔtte mayee oo, yɛkotie AWURADE yɛ Nyameɛ bɔ yɛ́soma wɔ ye berɛ ne dwirɛ, amaa ɔnate so, sɛ yɛtie AWURADE yɛ Nyameɛ dwirɛ a, wayie yɛ yé.

Ɛfesofoɛ 6:2

“Di ɛse ne eni ni” (ɛhe te mmeraa dwirɛ bɔ oli moa bɔ bɔhyɛ bata ye nwo ɔ),

Ɛfesofoɛ 6:4

Seɛ mɔ, nnɛma ɛmɔhu ɛmɔ mma mɔ b’ahone, na mmom ɛ́mɔtete bɛ wɔ Awurade ndeteyɛɛ ne foɛtulɛ nu.

Deuteronomi 12:25

Nnɛdi mogya ne, amaa ɔnate so wayie wɔ ne wɔ si ama yé; ofikyɛ ɛyɔ sɔ a, yeɛ né ɛ́yɔ bɔ ɔtengyɛ wɔ AWURADE nyunu ɔ.

Deuteronomi 12:28

Nea kyɛ ekoli edwirɛ bɔ méhyɛ wɔ ne aso ɔ, amaa ɔnate so wayie wɔ ne wɔ si ama mɔ yé afebɔɔ; ofikyɛ ɛyɔ sɔ a, yeɛ né ɛ́yɔ bɔ ɔtengyɛ wɔ AWURADE wɔ Nyameɛ nyunu ɔ.

Deuteronomi 22:7

Ye ye mma nemɔ, ná ma bɛ ni ne ɔhɔ, amaa ɔnate so anya ngoa tendenn, ná wayie wɔ yé.

Deuteronomi 4:40

Ye sɔ ne ati, di ye ahyɛdeɛ ne ye mmeraa dwirɛ bɔ méhyehyɛ méma wɔ ɛnɛ kyẽa ye aso, amaa ɔnate so wayie wɔ ne wɔ bosofoɛ yé, ná atena aseɛ bɔ AWURADE wɔ Nyameɛ ɔ́fa ma wɔ afebɔɔ ne aso ahyɛ.”

Deuteronomi 5:16

“ ‘Di ɛse ne eni ni, kyɛbɔ AWURADE wɔ Nyameɛ ahyɛ wɔ ne, amaa ɔnate so anya ngoa tendenn, ná wayie wɔ yé wɔ aseɛ bɔ AWURADE wɔ Nyameɛ ɔ́fa ma wɔ ne aso.

Deuteronomi 5:33

Atee amukoraati bɔ AWURADE ɛmɔ Nyameɛ wahyɛ kyɛ ɛ́mɔfa so bɛ́bɔ bɛ bra ne, odi kyɛ ɛmɔfa so, amaa ɔnate so ɛmɔanya ngoa, ná wayie ɛmɔ yé, ná ɛmɔatena aseɛ bɔ ɛmɔ sa baahã ye ne aso bahyɛ.

Deuteronomi 6:18

Yɔ bɔ ɔte paa, bɔ ɔsɔ AWURADE nye ɔ, amaa ɔnate so wayie wɔ yé, ná aafa aseɛ paa bɔ AWURADE tale ye nwo ndaen hyirele wɔ nana mɔ kyɛ ɔkɔfa kɔma wɔ ne,

Deuteronomi 6:3

Yiti, Yisrael, tie, ná nea kyɛ ekoli so ɔ, amaa ɔnate so wayie wɔ yé, ná wɔ boso atrɛ pee wɔ aseɛ bɔ nyɔfonesue ne woɛ tengyɛ wɔ so ne aso, kyɛbɔ AWURADE wɔ nana mɔ Nyameɛ ahyɛ wɔ bɔ ne.

Rutu 3:1

Ɛlɛho bie, Rutu sia Naomi sele ye kyɛ, “Mma, aso onhia kyɛ memaa egyina wɔ gya so, amaa ɔnate so wayie wɔ yé?