Ɛfesofoɛ 6:23 - AHYERƐLƐ KRONGRON

²³ Asomdwee ne ɔdɔ ne gyidie bɔ ofi Baba Nyameɛ ne Awurade Yesu Kristo berɛ ɔyɛ ɛmɔ deɛ.

Ɛfesofoɛ 6:23 Iomraidhean Croise

Gyenesise 43:23

Awuro berɛ neafoɛ ne buale bɛ kyɛ, “Ɛ́mɔhã ɛmɔ ahone bɛto ɛmɔ kunu, nnɛma ɛmɔsuro, ebiaa ɛmɔ Nyameɛ, ɛmɔ baba ye Nyameɛ ne, ye yeɛ wafa agyapadeɛ wawura ɛmɔ mmɔtɔ nemɔ anu ɔ. Ɛmɔ sikaa ne de, me sa hane ye.” Na ɔyele Simeon brɛle bɛ.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Romanfoɛ 15:33

Asomdwee Nyameɛ ne ɔne ɛmɔ amukoraa bɛtena. Amen.

1 Korintofoɛ 1:3

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Galatiafoɛ 6:16

Na mmenia amukoraa bɔ bedi nhyehyɛleɛ he aso ne, asomdwee ne anwumvoinnwunɛ ɔyɛ bɛ, ɔne Yisrael bɔ ɔte Nyameɛ deɛ ne ye deɛ.

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

2 Tɛsalonika 3:16

Yɛsrɛ kyɛ asomdwee Awurade ne bɔbɔ ɔma ɛmɔ asomdwee daa wɔ atee biala so. Awurade ne ɛmɔ amukoraa bɛtena.

1 Timoteo 1:14

Na y’Awurade adom ne wale me so mmorosoɛ, wɔ gyidie ne ɔdɔ bɔ ɔwɔ Kristo Yesu nu ɔ.

1 Timoteo 1:3

Mmerɛ bɔ né mekɔ Makedonia nen, nzrɛle wɔ kyɛ ɛtena Ɛfeso, ná etu mmenia biemɔ foɛ kyɛ nnɛmaa bekyirekyire ngyerɛkyerɛ foforɛ,

1 Timoteo 5:8

Sɛ ebie nnea ye abusuafoɛ, nganga ye awuroama a, né wapo gyidie ne, na wafõ watra sona bɔ onne nni ɔ.

1 Petro 5:14

Ɛ́mɔyɛ ɛmɔ nwo awaawaatuu wɔ ɔdɔ nu. Asomdwee hã ɛmɔ bɔ ɛmɔwɔ Kristo Yesu nu amukoraa. Amen.

3 Yohane 1:14

na mmom ɔngɔhyɛ biala ngonwu wɔ dɔ, ná manwu wɔ nyunu ná yali ngɔmɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

1 Samuel 25:6

Ɛmɔhã behyire ye bɛma me kyɛ, ‘Asomdwee ha wɔ, asomdwee ha w’awuro ama, asomdwee ha bɔ ele ye amukoraati.