Ɛfesofoɛ 6:20 - AHYERƐLƐ KRONGRON

²⁰ bɔ ye nwo bɔfoɛ bɔ nde ti yeɛ bagua me ngɔnzɔngɔnzɔ ye; amaa mahora masi m’ahone mahã, kyɛbɔ ɔsɛ kyɛ mekã ɔ.

Ɛfesofoɛ 6:20 Iomraidhean Croise

Anyandera 13:17

Somafoɛ tɛɛ twetwe amaneɛ ba, nakoso ɛbɔfoɛ nahorɛniɛ de, ɔma mmenia nwo sande bɛ.

Yesaya 33:7

Tie, bɛ kwabranoa nemɔ bɛteatea nu wɔ mmorɔnoɛ nemɔ aso, asomdwee ɛbɔfoɛ nemɔ besu hahii.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 1:17

Nakoso wɔ de, bɔ w’abɔsoɛ ná dwɔso, na kã bɔ ngɔhyɛ wɔ kyɛ ɛhã ne amukoraa kyire bɛ. Nnɛma wɔ nwo wosowoso wɔ wɔ bɛ nyunu, anyɔ sɔ a, ngɔma wɔ nwo kɔwosowoso wɔ wɔ bɛ nyunu.

Yeremia 40:1

Awɛmvoɛ nemɔ aso safohene Nebusaradan, onwuni Yeremia kyɛ bagua ye ngɔnzɔngɔnzɔ bɔ ɔboka mmenia amukoraa bɔ bahye bɛ nnure bafi Yerusalem ne Yuda bɔ bɛ́fa bɛ bɛ́kɔ Babilɔn ne aso. Nebusaradan sangyele Yeremia wɔ Rama, na ye si ye, AWURADE lale ye dwirɛ ali hyirele Yeremia.

Asomafoɛ 21:33

Asraafoɛ panyi ne ɔɔsɔle Pɔɔlo nu na ɔmaa bɛfale ngɔnzɔngɔnzɔ nyɔ beguale ye, na afei obisale bɛ kyɛ, “Na nwa ɛhe? Wayɔ nzu?”

Asomafoɛ 26:29

Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

Asomafoɛ 28:20

Na ɛhe ati yeɛ ɔmaa ndole me sa mvrɛle ɛmɔ kyɛ me ne ɛmɔ yɛbaali ngɔmɔ ɔ, ofikyɛ ɔnate Yisrael anyelasoɛ ti yeɛ bagua me ngɔnzɔngɔnzɔ ye.”

Asomafoɛ 28:31

Ɔhane Nyameɛ ahennie ne nwo dwirɛ; ɔyɛle ngyerɛkyerɛ fale Awurade Yesu Kristo nwo, na osili ye ahone yɔle sɔ nikyee ne bɔ ebiala anzi ye ate ɔ.

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

2 Korintofoɛ 3:12

Na ɔnate kyɛ yanya sɔ anyelasoɛ ne ati, yɛkora yɛsi y’ahone yɛdwudwo.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Ɛfesofoɛ 3:1

Ɔnate ɛhe ati, me Pɔɔlo, nde Kristo Yesu kukununiɛ mema ɛmɔ Amaenmaensofoɛ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Filipifoɛ 1:7

Ɛmɔla m’ahone nwo, yiti ɔte paa kyɛ medwene ɛmɔ amukoraa nwo sɔ ɔ. Ofikyɛ ɛmɔ amukoraa ɛmɔ ne me yanya kyɛfa wɔ adom ne anu, me kuku nu nnaa nu, ɔne mmerɛ bɔ ngyinane pindinn mane nzɛmba ne, ná nzili so ngane ne.

Kolosefoɛ 4:3

Ɛ́mɔbɔ mbaeɛ bɛ́ma yɛ koso, kyɛ Nyameɛ bukye edwirɛ ne nwo atee ma yɛ, ma yɛbɔ Kristo mvealeɛ nu dwirɛ ne dawure, edwirɛ bɔ yiti yeɛ nna kukunu ye.

Kolosefoɛ 4:4

Ɛ́mɔsrɛ bɛ́ma me kyɛ ngyirekyire nu pefee kyɛbɔ ɔsɛ kyɛ mekyire nu ɔ.

1 Tɛsalonikafoɛ 2:2

Na ɔwɔ nu kyɛ yɛlili moa yɛnwuni amaneɛ, ná bɛbɔle yɛ alapaa wɔ Filipi, kyɛbɔ ɛmɔse ne, nakoso yɛsili y’ahone wɔ yɛ Nyameɛ nu kyɛ yɛkɔhã Nyameɛ nzɛmba ne yɛkohyire ɛmɔ, wɔ aberɛ bɔ bɛko betia yɛ ɔ.

2 Timoteo 1:16

Mesrɛ Awurade kyɛ onwu Onesiforo awuro ama anwumvoin, ofikyɛ ɔkyekyele me wora mmerɛ pee, na me ngɔnzɔngɔnzɔ ne anyɛ ye nya.

2 Timoteo 2:9

nzɛmba ne bɔ yiti yeɛ menwu amaneɛ ná babɔ me panwu kyɛ wudiniɛ ne; nakoso Nyameɛ dwirɛ ne de, bɛbbɔle ye panwu.

Filemɔn 1:10

Mepa wɔ kyerɛ mema mma Onesimo bɔ mayɛ ye baba wɔ me kuku nu nnaa ye anu ɔ.

Filemɔn 1:9

nakoso ɔnate ɔdɔ ti, mekuro kyɛ mesrɛ wɔ mmom, me Pɔɔlo bɔ mayɛ akoraa, bɔ kekesaala ye nza nde Yesu Kristo kukununiɛ ɔ.

1 Yohane 3:16

Na ɛhe yeɛ ɔmaa yɛnwu kyɛbɔ ɔdɔ si te ɔ: Kristo fale ye ngoa tole berɛ mane yɛ, na yɛ koso odi kyɛ yɛfa yɛ ngoa yɛto berɛ yɛma aliɛmaa nemɔ.

Yuda 1:3

Aliɛmaa mɔ, mabɔ mmɔden amukoraa kyɛ mekyerɛ ngoalelɛ bɔ yɛ mukoraa yanya ye ne nwo dwirɛ mebrɛ ɛmɔ, na ye nwo ahia kyɛ mekyerɛ mebrɛ ɛmɔ, ná metu ɛmɔ foɛ, kyɛ ɛ́mɔpere bégyina pindinn bɛ́ma gyidie bɔ bafa bama anwoteefoɛ pɛnko ne.